အိန္ဒိယနိုင်ငံ အနောက်ပိုင်း ဂူဂျာရတ်ပြည်နယ်မှာ မိုးအဆက်မပြတ်ရွာပြီး မြစ်ရေလျှံတာကြောင့် ဇူလိုင် ၁၉ ရက် အထိ စာရင်းအရ အနည်းဆုံး မြေဟက်တာ ၇,၀၀၀ ရေမြုပ်ခဲ့ပြီး ကောက်ပဲသီးနှံတွေနဲ့ နေအိမ်တွေ  ပျက်စီးခဲ့ပါတယ်။

ကယ်ဆယ်ရေးသမားတွေက ချန်ဒရာပူမြို့မှာရှိတဲ့ ရေဘေးသင့်ပြည်သူတွေဆီ ရော်ဘာ လေမှုတ်လှေတွေကိုသုံးပြီး မရှိမဖြစ် လိုအပ်တဲ့ အထောက်အပံ့တွေကို ဖြန့်ဝေပေးခဲ့ပါတယ်။ 

နတ်ဗ်ဆာရီခရိုင်မှာ မိုးအဆက်မပြတ်ရွာလို့ ပါနာ ကာဗေရီနဲ့ အမ်ဘိကာ မြစ်တွေရေလျှံခဲ့တာကြောင့် အသက်၊ အိုးအိမ်၊ အသက်မွေးဝမ်းကျောင်း လုပ်ငန်းတွေ ဆုံးရှုံးတဲ့အပြင် ကောက်ပဲသီးနှံတွေလည်း ပျက်စီးဆုံးရှုံးခဲ့ပါတယ်။

နိုင်ငံအနောက်ပိုင်း မဟာရတ်ရှ်ထျာ ပြည်နယ်က နေအိမ်အများအပြားဟာ တစိတ်တပိုင်း ရေ နစ်မြုပ်သွားခဲ့ပါတယ်။ 

အိန္ဒိယနိုင်ငံမှာ နှစ်စဉ်မုတ်သုံလေ စဝင်ချိန်နဲ့အတူ ဒေသတချို့မှာ စံချိန်တင်မိုးရွာသွန်းနေပါတယ်။ ဒီဖြစ်ရပ်ဟာ ရာသီဥတုပြောင်းလဲမှုနဲ့ လိုက်လျောညီထွေဖြစ်အောင် ကြိုးပမ်းရာမှာ နိုင်ငံတွေ ရင်ဆိုင်နေရတဲ့ စိန်ခေါ်မှုတွေကို မီးမောင်းထိုးပြပါတယ်။