ရုရှားစစ်တပ်ဟာ ယူကရိန်းနိုင်ငံတောင်ပိုင်း ဩဒက်ဆာဒေသထဲမှာ အမေရိကန်နဲ့ ဥရောပနိုင်ငံတွေက ယူကရိန်းအစိုးရကို ထောက်ပံ့ထားတဲ့ လက်နက်တွေသိုလှောင်ရာ လက်နက်တိုက်တွေကို ဖျက်ဆီးခဲ့ပြီးပြီလို့ ရုရှားကာကွယ်ရေးဝန်ကြီးဌာနက ဇူလိုင် ၁၉ ရက်မှာ ပြောပါတယ်။ 

ရုရှားပြည်ထောင်စု စစ်တပ်တွေဟာ ယူကရိန်းနိုင်ငံထဲမှာ အထူးစစ်ဆင်ရေးတာဝန်တွေကို ဆက်ပြီး ထမ်းဆောင်နေတယ်၊ ဩဒက်ဆာဒေသ ဘီလင်ခါရွာဝန်းကျင်မှာ အမေရိကန်နဲ့ ဥရောပနိုင်ငံတွေက ပံ့ပိုးထားတဲ့ လက်နက်တွေအတွက် ခဲယမ်းမီးကျောက်တွေကို သိုလှောင်ထားတဲ့ လက်နက်တိုက်တွေကို အတိအကျ ချိန်ရွယ်ပစ်ခတ်နိုင်စွမ်း မြင့်တဲ့ လက်နက်တွေက ဖျက်ဆီးခဲ့ပြီးပြီလို့ ရုရှားကာကွယ်ရေး ဝန်ကြီးဌာန ပြောခွင့်ရ အစ်ဂေါ ကိုနာရှန်ကို့ဗ်က ပြောခဲ့ပါတယ်။ 

ဒါပေမဲ့ လက်နက်တိုက် အရေအတွက် ဘယ်လောက်ကို ဖျက်ဆီးခဲ့တယ်၊ ဒါမှမဟုတ် ဘယ်လိုလက်နက် အမျိုးအစားတွေကို အဲဒီဖျက်ဆီးခံနေရာမှာ သိုလှောင်ထားခဲ့တာလဲဆိုတဲ့ အချက်တွေကို သူက မပြောခဲ့ပါဘူး။ ရုရှား ကာကွယ်ရေး ပြောခွင့်ရရဲ့ ပြောဆိုချက်က ဟုတ်၊ မဟုတ် ဆိုတာလည်း အတည်မပြုနိုင်သေးပါဘူး။