ကမ္ဘာ့ဖလားဘောလုံးပွဲကျင်းပဖို့ ရက်ပေါင်း ၁၀၀ ပဲလိုတော့တဲ့အချိန်မှာ အိမ်ရှင်ကာတာနိုင်ငံရဲ့ မြို့တော် ဒိုဟာမှာ ဩဂုတ် ၁၁ ရက်က ဘောလုံးပရိသတ်တွေ ဘောလုံးစွမ်းရည်ပြသခဲ့ကြပါတယ်။

ဒီအစီအစဉ်ကတော့ ရှောပင်းမောတွေမှာ လူကြီး လူငယ် မရွေး၊ ဘောလုံးချစ်တဲ့ ဘယ်သူမဆို အားလုံးပါဝင်နိုင်တဲ့ အစီအစဉ်မျိုး ဖြစ်ပါတယ်။

သတ်မှတ်ထားတဲ့ ပစ်မှတ်ကို ထိအောင် ကန်နိုင်သလား၊ အခက်အခဲတွေကို ပညာသားပါပါ ကျော်နိုင်မလား ခြေစမ်း နိုင်တဲ့ အစီအစဉ်ဖြစ်ပါတယ်။

ဒီပွဲမှာပဲ ကမ္ဘာ့ဖလား ဗိုလ်လုပွဲ ကြည့်ခွင့်ရမယ့် လက်မှတ်တွေ မဲဖောက်ပေးပါတယ်။ ကမ္ဘာ့ဖလားကို ကာတာနိုင်ငံမှာ နိုဝင်ဘာ ၂၀ ရက်နေ့ အခမ်းအနားနဲ့ စတင်ဖွင့်လှစ်မှာ ဖြစ်ပြီး၊ ဖွင့်ပွဲနေ့မှာပဲ အိမ်ရှင် ကာတာနဲ့ အီကွေဒေါအသင်းတို့ ယှဉ်ပြိုင်ကစားကြမှာ ဖြစ်ပါတယ်။