ကရင်နီ (ကယား) ပြည်နယ် ဘောလခဲမြို့နဲ့ ရွာသစ်မြို့အကြားက လမ်းမကြီးပေါ်ရှိ စစ်ကောင်စီ ၁၂ မိုင်ကုန်းစခန်းအနီး ဝါးခုတ်ဖို့ထွက်လာတဲ့ စစ်ကောင်စီတပ်ဖွဲ့ဝင်တွေကို ကရင်နီ ပူးပေါင်းတပ်တွေက အလစ်အငိုက် တိုက်ခိုက်ခဲ့လို ၃ ယောက် သေဆုံးပြီး ၂ ယောက် ထိခိုက်ဒဏ်ရာ ရခဲ့ပါတယ်။

ဒီကနေ့ စက်တင်ဘာ ၇ ရက် မနက်ပိုင်းက အဆိုပါ ၁၂ မိုင်ကုန်းစခန်းအနီး ဝါးခုတ်ဖို့ထွက်လာတဲ့ စစ်ကောင်စီတပ်ဖွဲ့ဝင် ၇ ‌ေယာက်ကို ကရင်နီတပ်မတော် (KA) နဲ့ ကရင်နီအမျိုးသားများ ကာကွယ်ရေးတပ် (KNDF) တပ်ရင်း ၂၁ တို့က အလစ်အငိုက် တိုက်ခိုက်ခဲ့တာလို့ KNDF က သတင်းထုတ်ပြန်ပါတယ်။

ဒီလိုတိုက်ခိုက်ခံရတဲ့အတွက် စစ်ကော်စီတပ်ဖွဲ့ဝင် ၃ ယောက် သေဆုံးကာ ၂ ယောက် ပြင်းထန်စွာ ထိခိုက်ဒဏ်ရာရရှိခဲ့ပြီး သူတို့ကိုင်ဆောင်ထားတဲ့ MA သေနတ် ၁ လက်နဲ့ ကျည်တချို့ကို သိမ်းဆည်းရမိခဲ့ကြောင်းလည်း ဆိုပါတယ်။