အင်္ဂလန်လက်ရွေးစင်အသင်းဟာ လာမယ့်ကာတာကမ္ဘာ့ဖလားမှာ ချန်ပီယံဖြစ်နိုင်ဆဲပဲလို့ အီတလီနည်ပြမန်ချီနီက  ပြောပါတယ်။

အင်္ဂလန်အသင်းအနေနဲ့ အီတလီကိုရှုံးနိမ့်ခဲ့ပေမဲ့  ကမ္ဘာ့ အကောင်းဆုံးအသင်းတစ်သင်းအနေနဲ့ ဆက်ရှိနေပြီး ကာတာကမ္ဘာ့ဖလားမှာ ချန်ပီယံဖြစ်နိုင်တဲ့ အခွင့်အရေးရှိနေဆဲဖြစ်ကြောင်း နည်းပြမန်ချီနီကပြောပါတယ်။

“အင်္ဂလန်က ကမ္ဘာ့ဖလားမှာရှိနေပြီး ဒါကအရေးကြီးတယ်။ ကျနော့် အမြင်ကတော့ အင်္ဂလန်ဟာ ရှုံးပွဲတွေ့ခဲ့ပေမဲ့ ကမ္ဘာ့အကောင်းဆုံးအသင်းတစ်သင်း ဖြစ်ပါတယ်။ သူတို့ဟာ ကမ္ဘာ့ဖလားမှာ ချန်ပီယံဖြစ်ဖို့ အခွင့်အရေးကောင်းရှိနေတယ်”လို့ အီတလီနည်းပြမန်ချီနီကပြောပါတယ်။

အင်္ဂလန်အသင်းဟာ ကမ္ဘာ့ဖလားမတိုင်ခင် ရလဒ်ဆိုးရွားနေပြီး နောက်ဆုံး ၅ ပွဲမှာ ၃ ပွဲရှုံး ၂ ပွဲသရေကျခဲ့ပါတယ်။