အင်္ဂလန်နည်းပြဆောက်ဂိတ်အပေါ် ဝေဖန်မှုတွေဟာ မျှတမှုမရှိကြောင်း တောင်ပံတိုက်စစ်မှူး စတာလင်က ပြောပါတယ်။

အင်္ဂလန်အသင်းဟာ နေးရှင်းလိဂ်ပွဲစဉ် ၅ ပွဲဆက်တိုက် နိုင်ပွဲပျောက်ခဲ့လို့ လိဂ် A ကနေ B ကို တန်းဆင်းခဲ့ရပါတယ်။

တနင်္လာနေ့မှာကစားရမယ့်ဂျာမနီနဲ ပွဲစဉ်မတိုင်ခင် သတင်းစာရှင်းလင်းပွဲမှာတော့ နည်းပြဆောက်ဂိတ်အပေါ် စတာလင်က ကာကွယ်ပြောပေးသွားတာပါ။

နည်းပြဆောက်ဂိတ်ဟာ အင်္ဂလန်အသင်းကို ကမ္ဘာ့ဖလားဆီမီးဖိုင်နယ်နဲ့ ယူရိုဗိုလ်လုပွဲတက်ရောက် အောင်စွမ်းဆောင်ပေးခဲ့သူဖြစ်ပြီး သူ့အပေါ်ဝေဖန်မှုတွေဟာ မျှတမှုမရှိကြောင်း၊ ရလဒ်ပိုင်းနဲ့ ပတ်သက်လို့ လိုချင်တဲ့စွမ်းဆောင်ရည်မဟုတ်ပေမဲ့ နည်းပြဆောက်ဂိတ်အပေါ်မှာပဲ ပုံမချသင့်ဘဲ အားလုံးမှာ တဝန်ရှိကြောင်း စတာလင်ကပြောပါတယ်။

ဒါ့အပြင် ကမ္ဘာ့ဖလားမတိုင်ခင်မှာ အချိန်တွေကျန်ရှိနေသေးတာကြောင့် လက်ရှိစွမ်ဆောင်ရည် ကျဆင်းနေတာကို စိုးရိမ်စမရာမလိုဘဲ အကောင်းမြင်ကြဖို့ လိုအပ်ကြောင်းလည်း စတာလင်က ပြောသွားပါတယ်။