ပီအက်စ်ဂျီတိုက်စစ်မှူး မက်ဆီဟာ လာမယ့်ရာသီမှာ အသင်းဟောင်း ဘာစီလိုနာအသင်းဆီကို ပြန်လည်ပြောင်းရွှေ့မယ်လို့ သိရပါတယ်။

မက်ဆီဟာ အခုနှစ်ရာသီအကုန်မှာ ပီအက်စ်ဂျီနဲ့ စာချုပ်သက်တမ်း ကုန်ဆုံးမှာဖြစ်ကြောင်း အာဂျင်တီးနားဂျာနယ်လစ် ဘရူနာတီက ထုတ်ဖော်ပြောဆိုခဲ့တာပါ။

မက်ဆီနဲ့ မိသားဝင်တွေဟာလည်း ဘာစီလိုနာမြို့ကို အိမ်တခုလို သတ်မှတ်ထားတာကြောင့်  ဘာစီလိုနာကို ပြန်လည်ပြောင်းရွှေ့လိုနေကြတယ်လို့ ဆိုပါတယ်။

မက်ဆီဟာ ဘာစီလိုနာကို ပြန်လာနိုင်ခြေနဲ့ပတ်သက်ပြီး ဘာစီလိုနာနည်းပြ ဇာဗီကတော့ ဆက်လက်စောင့်ကြည်ဖို့သာရှိကြောင်း ပြောပါတယ်။

လက်ရှိအချိန်ကာလမှာတော့ မက်ဆီရဲ့အနာဂတ်ကို ပြောရမယ့်အချိန် မဟုတ်သေးကြောင်းနဲ့ မက်ဆီအပေါ် ဘယ်လိုသဘောထားသလဲဆိုတာကို အားလုံးသိရှိထားပြီးဖြစ်ကြောင်း ဇာဗီက ပြောပါတယ်။

မက်ဆီဟာ ဘာစီလိုနာသမိုင်းမှာ ဂိုးအများဆုံးသွင်းယူနိုင်တဲ့ ကစားသမားဖြစ်ပြီး စုစုပေါင်း ၆၇၂ ဂိုး သွင်းယူနိုင်ခဲ့ပါတယ်။