တိုက်စစ်မှူး စီရော်နယ်ဒိုဟာ ဘွန်ဒက်စ်လီဂါပြိုင်ပွဲကို မြှင့်တင်ပေးနိုင်တဲ့ ကစားသမားဖြစ်ကြောင်း ဘိုင်ယန်မြူးနစ်အသင်းရဲ့ စီအီးအို အိုလီဗာခမ်းက ပြောပါတယ်။

ဘိုင်ယန်ဟာ ပြီးခဲ့တဲ့ နွေရာသီအပြောင်းအရွှေ့တုန်းက စီရော်နယ်ဒိုကို ခေါ်ယူဖို့ ဆွေးနွေးခဲ့ပြီး အဆင်မပြေဖြစ်ခဲ့တာပါ။

အဲဒီသတင်းကို အိုလီဗာခမ်း ကလည်းအတည်ပြုသွားခဲ့ပြီး ဒေါ့မွန်အသင်းကပါ စီရော်နယ်ဒိုကိုခေါ်ယူဖို့ ဆွေးနွေးခဲ့ကြောင်း ပြောပါတယ်။

အိုလီဗာခမ်းက “ရော်နယ်ဒိုလို စူပါစတားတစ်ယောက်က လိဂ်ပြိုင်ပွဲကို ဆွဲဆောင်ရာမှာ အရေးပါတဲ့အခန်း ကဏ္ဍ တစ်ခုမှာရှိပါတယ်။ သူက ပြီးခဲ့တဲ့ဆယ်စုနှစ်အတွင်းမှာ အခမ်းနားဆုံးကစားသမား တစ်ဦးဖြစ် တယ်။ ကျနော်တို့ခေါ်ယူဖို့ ဆွေးနွေးခဲ့သလို ဒေါ့မွန်အသင်းကလည်း အလားတူ လုပ်ဆောင်ခဲ့ပုံပါပဲ။ သူ့ကို ဘွန်ဒက်စ်လီဂါအတွက် ကြီးမားတဲ့ပုံရိပ်တစ်ခုအဖြစ်ရူမြင်ခဲ့ကြတယ်။ ဒါပေမဲ့ အဆုံးသတ်မှာတော့ ကျနော်တို့ ပယ်ချခဲ့တယ်” လို့ ပြောပါတယ်။

ရော်နယ်ဒိုဟာ လက်ရှိအချိန်မှာ မန်ယူအသင်းမှာ ပုံမှန်ပွဲထွက်ခွင့်ပျောက်ဆုံးနေတာကိုလည်း အိုလီဗာခမ်းက သိရှိထားပြီး ပြိုင်ဆိုင်လို စိတ်ရှိတဲ့ ရော်နယ်ဒိုအနေနဲ့ မန်ယူအသင်းမှာ ပျော်ရွှင်မှာမဟုတ်ကြောင်းလည်း အိုလီဗာခမ်းက ပြောသွားပါတယ်။