အာဆင်နယ်အသင်းဟာ ပရီးမီးယားလိဂ် အမှတ်ပေးဇယာား အဆင့် ၁ နေရာမှာရပ်တည်နေတဲ့အပေါ် အံ့အားသင့်စရာ မရှိကြောင်း မန်စီးတီးကွင်းလယ်လူ ဒီဘရိုင်းကပြောပါတယ်။

အာဆင်နယ်အသင်းဟာ အခုနှစ်ရာသီအစ ပွဲစဉ် ၁၀ အပြီးမှာ ဒုတိယနေရာက မန်စီးတီးကို ၁ မှတ်အသာနဲ့ အဆင့် ၁ နေရာမှာရပ်တည်နေတာပါ။

အာဆင်နယ်ရဲ့ ကစားပုံဟာ မန်စီးတီးအသင်းနဲ့ တူညီမှုတွေရှိပြီး နည်းပြအာတေတာရဲ့လုပ်ရည် ကိုင်ရည်ကြောင့် အဆင့်တစ်နေရာမှာရပ်တည်နေတာဟာ အံ့အားသင့်စရာမဟုတ်ကြောင်း ဒီဘရိုင်း ကပြောပါတယ်။

“နည်းပြမီးခေးလ်အာတေတာဟာ ကျနော်တို့နဲ့ သုံးနှစ်ကြာ အတူလက်တွဲခဲ့ပြီးနောက်မှာ ပြောင်းလဲတိုးတက်လာမှုတွေကို မြင်တွေ့ခဲ့ရတယ်။ အစပိုင်းမှာ အံဝင်ဖို့ရုန်းကန်ရပေမဲ့ အခုတော့ တဖြည်းဖြည်းပိုကောင်းလာတယ်။ အာဆင်နယ်ဟာ အမှန်တကယ်ပဲ ဘောလုံး ကစားနိုင်တဲ့ အသင်းဖြစ်နေတယ်။ ကျနော်တို့အတွက် ခက်ခဲတဲ့ပြိုင်ဘက်ဖြစ်မလာဖို့ တော့ မျှော်လင့်ပါတယ်” လို့ ဒီဘရိုင်းကပြောပါတယ်။

နည်းပြအာတေတာဟာ ရည်မှန်းချက်တွေ အများကြီးရှိသူဖြစ်ပြီး အာဆင်နယ်မှာအဆင်ပြေနေတာ မြင်နေရလို့ အာတေတာအတွက် ပျော်ရွှင်မိကြောင်းလည်း ဒီဘရိုင်းကပြောပါတယ်။