မန်ချက်စတာယူနိုက်တက်တိုက်စစ်မှူး စီရော်နယ်ဒိုဟာ ပြင်သစ်ဘောလုံးမဂ္ဂဇင်းကချီးမြှင့်တဲ့ ဘလွန်းဒီအော ကမ္ဘာ့အကောင်းဆုံးဘောလုံးသမား  အဆင့်သတ်မှတ်ချက်မှာ ၁၇ နှစ်အတွင်း အနိမ့်ဆုံးအဆင့်မှာ ရပ်တည်ခဲ့ပါတယ်။

ဘလွန်းဒီအော ဆု ၅ ကြိမ်ရရှိထားတဲ့ ရော်နယ်ဒိုဟာ အခုနှစ်ဘလွန်းဒီအောဆုအတွက် မဲပေးရွေးချယ်မှုမှာတော့ အဆင့် ၂၀ မှာရပ်တည်ခဲ့တာပါ။

ဒါဟာ  ၂၀၀၅ ခုနှစ်နောက်ပိုင်း စီရော်နယ်ဒိုအတွက် အဆင့်အနိမ့်ဆုံး  ရပ်တည်မှုဖြစ်ခဲ့ပါတယ်။ ဘလွန်းဒီအောဆုကို ၇ ကြိမ်အထိရရှိထားတဲ့ မက်ဆီကတော့ ဒီနှစ်အတွက် ဆန်ခါတင် လူစာရင်းမှာတောင်ပါဝင်ခြင်းမရှိခဲ့တာ ဖြစ်ပါတယ်။

ဒီနှစ်အတွက် ဘလွန်းဒီအောဆုကို ကမ္ဘာ့တဝန်းက နာမည်ကြီး ဂျာနယ်လစ် အယောက် ၁၀၀ ကျော်က မဲပေးရွးချယ်ခဲ့တာဖြစ်ပြီး ပြင်သစ်နဲ့ ရီးရဲလ်မက်ဒရစ်တိုက်စစ်မှူး ဘန်ဇီမာက ဆုရရှိသွားပါတယ်။