သြစတြေးလျတွင် ကုန်တင်ရထားတစီး လမ်းချော်ပြီး ကွန်တိန်နာများစုပုံနေ
3
ဩစတြေးလျနိုင်ငံတောင်ပိုင်း၊ ဗစ်တိုးရီးယားပြည်နယ်၊ မဲလ်ဘုန်းမြို့ အနောက်တောင်ဘက် ကီလိုမီတာ ၁၀၀ အကွာရှိ ရထားသံလမ်းတလျှောက်မှာ နိုဝင်ဘာ ၁၄ ရက် မနက်ပိုင်းက ကုန်တင်ရထားတစီး လမ်းချော်ခဲ့လို့ ကုန်သေတ္တာ ကွန်တိန်နာအလုံး ၂၀ ကျော် စုပုံသွားခဲ့ပါတယ်။
ကွန်တိန်နာ ဒါဇင်များစွာတင်လာတဲ့ ရထားတွဲ ၁၆ တွဲ လမ်းချော်သွားခဲ့တာလို့ ပြည်နယ် အရေးပေါ်ဝန်ဆောင်မှု (SES) က ပြောပါတယ်။
ဒီဖြစ်ရပ်မှာ ဘယ်သူမှမထိခိုက်ခဲ့ဘဲ လမ်းချော်ရတဲ့ အကြောင်းရင်းကို စုံစမ်းစစ်ဆေးနေတယ်လို့ SES က ပြောပါတယ်။
ဒေသတွင်းမှာတော့ တညလုံး မိုးသည်းသည်းထန်ထန် ရွာသွန်းပြီးတဲ့နောက် ဗစ်တိုးရီးယား ပြည်နယ်တခွင်မှာ ရုတ်တရက် ရေကြီးခဲ့ပါတယ်။
