ရုရှားနှင့် ဘီလာရုစ် ကာကွယ်ရေးဝန်ကြီးတို့ တွေ့ဆုံ
ရုရှားကာကွယ်ရေးဝန်ကြီး ဆာဂီရွှိုင်ဂူဟာ ဘီလာရုစ်ကာကွယ်ရေးဝန်ကြီး ဗစ်တာကရန်နန်နဲ့ ဒီဇင်ဘာ ၃ ရက်မှာ တွေ့ဆုံဆွေးနွေးခဲ့ပါတယ်။
နှစ်ဖက်စစ်ရေးပူးပေါင်းဆောင်ရွက်ဖို့ ဆွေးနွေးခဲ့ကြပြီး “နယ်မြေ လုံခြုံရေး ပူးတွဲပြဋ္ဌာန်းချက်” ဆိုင်ရာ သဘောတူညီချက်ကို အသေးစိတ် ထပ်မဖော်ပြဘဲ နှစ်ဖက်စလုံးက ပြန်ပြင်ဆင်ခဲ့တယ်လို့ လည်း ပြောပါတယ်။
အဲဒီနောက် ရွှိုင်ဂူဟာ ဘဲလာရုစ် သမ္မတ အလက်ဇန်းဒါး လူကာရှန်ကိုနဲ့ တွေ့ဆုံခဲ့ပါတယ်။ ရုရှားနှင့် ဘီလာရုစ်တို့ဟာ “ပြည်ထောင်စုနိုင်ငံ”ရဲ့ တရားဝင်အစိတ်အပိုင်းဖြစ်ပြီး စီးပွားရေး အရရော စစ်ရေးအရပါ အနီးကပ် မဟာမိတ်ဖြစ်ပါတယ်။
ယူကရိန်းမှာ ရုရှားရဲ့ ဖေဖော်ဝါရီ ၂၄ ရက် အထူးစစ်ဆင်ရေးအတွက် ဘီလာရုစ်ကို အဓိကနေရာ အဖြစ် ရုရှားအစိုးရက အသုံးပြုထားပါတယ်။
ဘီလာရုစ်ဟာ ယူကရိန်းနဲ့ ပဋိပက္ခမှာ မပါဘူးလို့ ပြောခဲ့ပေမယ့် ယူကရိန်းနဲ့ အနောက်နိုင်ငံတွေ ဆီက ခြိမ်းခြောက်မှုတွေကို ကိုးကားပြီး လူကာရှန်ကိုဟာ အရင်က ယူကရိန်းနယ်စပ်နားမှာ ရုရှားတပ်ဖွဲ့တွေနဲ့အတူ တပ်ဖြန့်ဖို့ အမိန့်ပေးခဲ့ပါတယ်။
