ရော်နယ်ဒိုကို ပျော်ရွှင်စွာဘောလုံးကစားတာမြင်ချင်ကြောင်း ဆော်ဒီကလပ် အယ်လ်နာဆာ နည်းပြရူဒီဂါစီယာက ပြောပါတယ်။ 

ရော်နယ်ဒိုဟာပြီးခဲ့တဲ့လတွေအတွင်းမှာ မန်ယူနိုက်တက်မှာကော၊ ပေါ်တူဂီ အသင်းမှာပါ ခက်ခဲတဲ့အချိန်တွေကို ဖြတ်သန်းခဲ့ရကြောင်း နည်းပြ ဂါစီယာကပြောပါတယ်။

ဒါ့ကြောင့် အသင်းသစ်မှာ ဘောလုံးကိုပျော်ရွှင်စွာနဲ့ ကစားတာကိုမြင်ချင်ပြီး အဲဒီလိုဖြစ်ခဲ့ရင်  အသင်းရဲ့ ရည်မှန်းချက်တွေဟာလည်း ပြည့်စုံသွားမှာဖြစ်ကြောင်း နည်းပြဂါစီယာကပြောပါတယ်။

ရော်နယ်ဒိုဟာ မန်ယူအသင်းမှာကစားစဉ်က ပွဲပယ်ပြစ်ဒဏ် ၂ ပွဲကြောင့် အသင်းသစ် အယ်လ်နာဆာနဲ့ ပွဲဦးထွက် မကစားနိုင်သေးပါဘူး။ 

ဆော်ဒီလိဂ်မှာ အသင်းတစ်သင်းက နိုင်ငံခြားသားကစားသမား ၈ ဦးသာ အသုံးပြုခွင့်ရှိပါတယ်။ ရော်နယ်ဒို ရောက်ရှိလာတာကြောင့် ကင်မရွန်းတိုက်စစ်မှူး အဘူဘာကာ ကို အယ်လ်နာဆာအသင်းက စာချုပ်ဖျက်သိမ်းခဲ့ပါတယ်။