၂၀၂၆ ကမ္ဘာ့ဖလားပြိုင်ပွဲမှာ မက်ဆီ ပါဝင်ကစားနိုင်စွမ်းရှိကြောင်း အာဂျင်တီးနားနည်းပြ စကယ်လိုနီက ပြောပါတယ်။

မက်ဆီဟာ လာမယ့်ကမ္ဘာ့ဖလားပြိုင်ပွဲကျင်းပချိန်မှာ အသက် ၄၀ လောက်ရှိနေပြီဖြစ်ပေမဲ့ နည်းပြ စကယ်လိုနီကတော့ မက်ဆီဟာ လာမယ့်ကမ္ဘာ့ဖလားပြိုင်ပွဲကို ပါဝင်ကစားနိုင်စွမ်းရှိပြီး  လက်ရွေးစင်အသင်းဘက်က အမြဲတမ်း တံခါးဖွင့်ထားတယ်လို့ ပြောပါတယ်။

“မက်ဆီအနေနဲ့ လာမယ့်ကမ္ဘာ့ဖလားမှာ ပါဝင်ကစားနိုင်တယ်လို့ ထင်ပါတယ်။ ဒါက သူ့ရဲ့စိတ်ဆန္ဒနဲ့ ခံစားချက်အပေါ် အများကြီး မူတည်နေပါတယ်။ အသင်းဘက်ကတော့ အမြဲတမ်း တံခါးဖွင့်ထားပါတယ်။ အသင်းနဲ့အတူရှိနေရတာကို သူပျော်ရွှင်ပြီး ကျနော်တို့အတွက်လည်း သူရှိနေတာက အလွန်ကျေနပ်စရာကောင်းပါတယ်” လို့ နည်းပြ စကယ်လိုနီက ပြောပါတယ်။

မက်ဆီကိုယ်တိုင်ကတော့ ပြီးခဲ့တဲ့ ၂၀၂၂ ကမ္ဘာ့ဖလားဟာ နောက်ဆုံးပြိုင်ပွဲလို့ ဆိုခဲ့ပေမဲ့ အပြောင်းအလဲတခု ဖြစ်လာဖို့ရှိပါတယ်။