ပရီးမီးယားလိဂ် တန်ဖိုးအရှိဆုံးအသင်းအဖြစ် မန်ယူအသင်း ရပ်တည်
323
အင်္ဂလန်ပရီးမီးယားလိဂ်ရဲ့ တန်ဖိုးအရှိဆုံး ကလပ်အသင်းအဖြစ် မန်ယူအသင်းက ဆက်လက်ရပ်တည်ခဲ့ပါတယ်။
အားကစားအချက်အလက်ကုမ္ပဏီတခုဖြစ်တဲ့ Sportico ရဲ့ လေ့လာချက်အရ မန်ယူအသင်းရဲ့ တန်ဖိုးက စတာလင်ပေါင် ၄ ဒသမ ၈ ဘီလီယံရှိပြီး ပရီးမီးယားလိဂ်ကလပ်တွေထဲမှာ အမြင့်ဆုံး တန်ဖိုးသတ်မှတ်ခံခဲ့ရတာပါ။
မန်ယူအသင်းဟာ ပြီးခဲ့တဲ့ ၂ နှစ်တာကာလအတွင်း ၂၈ ရာခိုင်နှုန်း တန်ဖိုးမြင့်တက်လာတယ်လို့ အဲဒီလေ့လာချက်မှာ ဖော်ပြပါတယ်။
မန်ယူအသင်းရဲ့နောက်မှာ လီဗာပူးအသင်းက ပေါင် ၃ ဒသမ ၈ ဘီလီယံ၊ မန်စီးတီးက ပေါင် ၃ ဒသမ ၅ ဘီလီယံ၊ အာဆင်နယ်က ပေါင် ၂ ဒသမ ၉ ဘီလီယံ အသီးသီး သတ်မှတ်ခံရပါတယ်။
အာဆင်နယ်ပြီးရင်တော့ ချဲလ်ဆီး၊ စပါး၊ ဝက်စ်ဟမ်း၊ အဲဗာတန်၊ လက်စတာ၊ နယူးကာဆယ်တို့က ထိပ်ဆုံး ၁၀ သင်းစာရင်းမှာ အစဉ်လိုက်ရပ်တည်ပါတယ်။
တန်ဖိုးအရှိဆုံး သတ်မှတ်ခံရတဲ့ မန်ယူအသင်းကို ပိုင်ရှင် ဂလေဇာမိသားစုက အရောင်းစာရင်း တင်ထားပါတယ်။
