လီဗာပူးတိုက်စစ်မှူးဖေမီနိုနှင့် နောက်ခံလူဗန်ဒိုက်တို့ လေ့ကျင့်ခန်းပြန်ဆင်း
3
ဒဏ်ရာပြဿနာတွေကြောင် အနားယူခဲ့ရတဲ့ လီဗာပူးတိုက်စစ်မှူး ဖေမီနိုနဲ့ နောက်ခံလူဗန်ဒိုက်တို့ နှစ်ဦးဟာ အသင်းနဲ့အတူလေ့ကျင့်ခန်းပြန်ဆင်းနေပြီဖြစ်ပါတယ်။
ဒါဟာ ဒဏ်ရာရကစားသမားတွေများပြားနေတဲ့ အသင်းနဲ့ နည်းပြယာဂန်ကလော့ပ်တို့အတွက် စိတ်သက်သာရာရစေခဲ့ပါတယ်။
သူတို့ နှစ်ဦးဟာ ကြာသပတေးနေ့က အသင်းရဲ့ AXA လေ့ကျင့်ရေးကွင်းအပြင်ဘက်မှာ အတူ လေ့ကျင့်ခဲ့ကြတာပါ။
အသင်းလိုက် လေ့ကျင့်ခန်းတွေတော့ လိုက်မလုပ်ခဲ့ကြပေမယ့် ဒီတစ်ပတ် ပွဲစဉ်တွေမှာ အရန်ခုံတန်းမှာပါလာဖို့ရှိပါတယ်။ လစ်ဗာပူးအသင်းမှာ တိုက်စစ်ပိုင်းက လူးဝစ်ဒီယက်ဇ်နဲ့ ဂျိုတာတို့ ဟာလည်း ဒဏ်ရာကိုယ်စီရခဲ့လို့ အနားယူနေရပါတယ်။
