ပီရူးတွင် မိုးကြီး မြေပြိုသဖြင့် ကလေး ၃ ဦးအပါအဝင် ၁၅ ဦးထက်မနည်း သေဆုံး
4
ပီရူးနိုင်ငံ အာရေကွေပါဒေသအတွင်း မိုးအကြီးအကျယ်ရွာပြီး မြေပြိုခဲ့တဲ့အတွက် ကလေး ၃ ယောက် အပါအဝင် လူ ၁၅ ယောက်ထက်မနည်း သေဆုံးတယ်လို့ ဒေသခံ အာဏာပိုင်တွေက ဖေဖော်ဝါရီ ၇ ရက်မှာ ပြောပါတယ်။
နိုင်ငံတောင်ပိုင်း ဆေကိုချာရွာမှာ မြေပြိုတာကြောင့် အိမ်တွေပြိုကျပြီး လမ်းတွေ ရွှံ့အောက် နစ်မြုပ်နေတာကိုလည်း ကောင်းကင်ဓာတ်ပုံကနေ တွေ့ရပါတယ်။
ရှာဖွေကယ်ဆယ်ရေးလုပ်ငန်းတွေ ဆက်လုပ်နေတယ်လို့ ပီရူး အမျိုးသားအရေးပေါ်ဌာနက ပြောပါတယ်။
ဆေကိုချာက သတ္တုတွင်းကဏ္ဍနဲ့ ချိတ်ဆက်ထားတဲ့ လမ်းတွေလည်း မြေပြိုလို့ ပိတ်မိနေတဲ့အတွက် လေကြောင်းကနေ လူသားချင်းစာနာမှု အကူအညီတွေ ပေးပို့ဖို့ ဖြစ်နိုင်ချေကို အကဲဖြတ် တွက်ချက်နေတယ်လို့ ပီရူးအစိုးရက ပြောပါတယ်။
တောင်အမေရိကနိုင်ငံမှာ သမ္မတဟောင်း ကတ်စတီလိုကို ရာထူးကနေ ဖယ်ရှားအပြီး အစိုးရ ဆန့်ကျင်ရေး ဆန္ဒပြပွဲတွေ ပေါ်ပေါက်နေတာ ၂ လနီးပါး ကြာပါပြီ။
