မနေ့ညက ကစားခဲ့တဲ့ မန်စီးတီးနဲ့ပွဲမှာ လီဗာပူးကစားသမား လေးဦးသာ အဆင်ပြေခဲ့ကြောင်း နည်းပြယာဂန်ကလော့ပ်ကဝေဖန်သွားပါတယ်။

အဲဒီပွဲမှာ လီဗာပူးက ဆာလာရဲ့ဂိုးနဲ့ ဦးဆောင်နိုင်ခဲ့ပေမဲ့ လေးဂိုးဆက် တိုက်ပေးခဲ့ရပြီး ၄ ဂိုး ၁ ဂိုးနဲ့ ရှုံးပွဲတွေ့ခဲ့ရတာပါ။

အဲဒီပွဲစဉ်မှာ ကွင်းလယ်က ဟန်ဒါဆန်နဲ့ ဖာဘင်ညို၊ တိုက်စစ်မှူးဂတ်ပိုနဲ့ ဂိုးသမား အလစ်ဆန်တို့သာ စွမ်းဆောင်ရည်အရ အဆင်ပြေခဲ့ကြောင်း နည်းပြ ကလော့ပ်ကရှုံးပွဲအပြီးမှာ ပြောပါတယ်။

မန်စီးတီးရဲ့အိမ်ကွင်းမှာက ကစားသမား ၁၄ ယောက်၊ ၁၅ ယောက်လောက်က ထိပ်တန်းအဆင့် ခြေစွမ်းပြသနိုင်ဖို့လိုအပ်ကြောင်း၊ စီးတီးဟာ သူတို့အလိုရှိသလောက် နေရာလွတ်တွေ အများကြီးရယူနိုင်ခဲ့ပြီး လေးဂိုးထက်ပိုမပေးရတာဟာ လီဗာပူးအသင်း အတွက်ကံ ကောင်းခဲ့ကြောင်း နည်းပြကလော့ပ်က ပြောသွားခဲ့ပါတယ်။