ယူကရိန်းနိုင်ငံမြောက်ပိုင်း ဒွန်ညက်ခ်ဒေသရှိ လေးမန်းမြို့အနီးက သစ်တောတစ်ခုမှာ ဧပြီလ ၇ ရက်က ယူကရိန်းပိုင် ဟောင်ဝစ်ဇာအမြောက်တွေနဲ့ ရုရှားတပ်တွေကို ပစ်ခတ်ခဲ့ပါတယ်။

ယူကရိန်းအရှေ့ပိုင်းက ပထမဆုံးသော ကြီးမားတဲ့ တန်ပြန်ထိုးစစ်အတွင်း လေးမန်းမြို့ကို ပြီးခဲ့တဲ့နှစ် အောက်တိုဘာလမှာ ယူကရိန်းဘက်က ပြန်လည်သိမ်းယူနိုင်ခဲ့တာပါ။

ယူကရိန်းတပ်ဖွဲ့တွေဟာ လေးမန်းမြို့တောင်ဘက် ၂၈ မိုင်အကွာက ဘတ်ခ်မွတ်မြို့မှာ ရုရှားရဲ့ အပြင်းအထန် တိုက်ခိုက်မှုတွေကို လပေါင်းများစွာကြာ ရင်ဆိုင်နေရဆဲ ဖြစ်ပါတယ်။

ယူကရိန်းတပ်ဖွဲ့တွေအနေနဲ့ ရုရှားသိမ်းပိုက်ထားတဲ့ နယ်မြေတွေကို ပြန်လည်သိမ်းယူနိုင်ဖို့ အတွက် လာမယ့်ရက်သတ္တပတ်တွေအတွင်း ဒါမှမဟုတ် လပိုင်းအတွင်းမှာ တန်ပြန်ထိုးစစ် စတင်နိုင်ဖို့ မျှော်မှန်းထားတယ်လို့ သိရပါတယ်။