ဗြိတိန်ဘုရင်ချားလ်စ်ဟာ ယူကရိန်းနိုင်ငံ ဩဒက်ဆာမြို့က စာကြည့်တိုက်တခုနဲ့ လီဗာပူးမြို့ ဗဟိုစာကြည့်တိုက်တို့ ပူးပေါင်းဆောင်ရွက်ဖို့ အထိမ်းအမှတ်အဖြစ် ဧပြီ ၂၆ ရက်က လီဗာပူးလ်မြို့ကို လာရောက်လည်ပတ်ချိန်မှာ “ကျနော်တို့ရဲ့ဘုရင် မဟုတ်ပါ” ဆိုတဲ့ ကြွေးကြော်သံတွေကို ရင်ဆိုင်ခဲ့ရပါတယ်။

ချားလ်စ်ဘုရင်နဲ့ မိဖုရားတို့ဟာ စာကြည့်တိုက်အပြင်ဘက်မှာ ထောက်ခံသူတွေနဲ့ တွေ့ဆုံနေတုန်း ဆန္ဒပြသူတွေက ဘုရင်စနစ်ဆန့်ကျင်ရေး ကြွေးကြော်သံတွေကို ကြွေးကြော်ခဲ့ကြပါတယ်။

တော်ဝင်မောင်နှံဟာ လီဗာပူးမြို့မှာ ကျင်းပနေတဲ့ Eurovision သီချင်းပြိုင်ပွဲနဲ့အတူ ယူရိုလန်းလို့ခေါ်တဲ့ ယူရိုဗီးရှင်းကို အတုယူတဲ့ ပညာရေးအစီအစဉ်ကို နှစ်ပတ်ကြာကျင်းပတဲ့ ယဉ်ကျေးမှုပွဲတော်မှာ ပါဝင်ဆင်နွှဲတဲ့ လုပ်ဖော်ကိုင်ဘက်တွေနဲ့ တွေ့ဆုံခဲ့ပါတယ်။

ယူကရိန်းနိုင်ငံထဲက ပြည်နယ်နဲ့ တက္ကသိုလ်စာကြည့်တိုက်ပေါင်း ၃၀၀ ကျော် ပျက်စီးသွားတာကို တွေ့ရှိခဲ့ရတယ်လို့ ဘုရင်ချားလ်စ်က စာကြည့်တိုက်ထဲမှာ ပြောခဲ့ပါတယ်။