လာမယ့် ၂၀၂၃ ခုနှစ်မှာ မန်းစီးတီးကနေ ထွက်ခွာသွားမယ်လို့ နည်းပြ ဂွါဒီယိုလာက အတည်ပြု ပြောကြားလိုက်ပါတယ်။

ဂွါဒီယိုလာဟာ ၂၀၂၃ ခုနှစ်မှာ အသင်းနဲ့စာချုပ်သက်တမ်း ကုန်ဆုံးမှာဖြစ်ပြီး သက်တမ်းထပ်တိုးမှာမဟုတ်ဘူးလို့ ဆိုခဲ့တာကြောင့် နောက်တရာသီ ဆက်လက်ကိုင်တွယ်ပြီးပါက အသင်းကနေ ထွက်ခွာတော့မှာပါ။

အဲဒီအချိန်ရောက်ခဲ့ပါက ခေတ္တအနားယူမှာဖြစ်ပြီး နောက်ပိုင်းမှာတော့ နိုင်ငံ့လက်ရွေးစင်အသင်းတသင်းကို ကိုင်တွယ်သွားလိုတယ်လို့ ဂွါဒီယိုလာက ပြောပါတယ်။

“မန်စီးတီးနဲ့ ၇ နှစ်ကြာဖြတ်သန်းပြီးသွားတဲ့အခါ နည်းပြဘဝကို ခေတ္တရပ်ပြီး တခြားနည်းပြတွေဆီကနေ သင့်ယူလောလာတာမျိုး ဖြစ်နိုင်ပါတယ်။ ပြီးတော့ ယူရိုပြိုင်ပွဲဝင် အသင်းတသင်း၊ ကိုပါ အမေရိကအသင်းတသင်း ဒါမှမဟုတ် ကမ္ဘာ့ဖလားပြိုင်ပွဲဝင် အသင်းတသင်းကို နည်းပြလုပ်သွားချင်ပါတယ်။”

စပိန်နည်းပြ ဂွါဒီယိုလာဟာ ဘာစီလိုနာ၊ ဘိုင်ယန်မြူးနစ်အသင်းတွေမှာ နည်းပြခဲ့ပြီးနောက် ၂၀၁၆ ခုနှစ်မှာ မန်စီးတီးအသင်းဆီ ပြောင်းရွှေ့လာခဲ့တာပါ။

စပိန်နည်းပြ ဂွါဒီယိုလာဟာ မန်စီးတီးအတွက် ပရီးမီးယားလိဂ် ချန်ပီယံ ၃ ကြိမ်၊ လိဂ်ဖလား ၄ ကြိမ်နဲ့ အက်ဖ်အေဖလား ၁ ကြိမ် ရခဲ့ဖူးပါတယ်။