ဆိုမားလီးယားတွင် မိုးခေါင်ပြီး ပြည်သူ ၃ သန်းခွဲကျော် သောက်သုံးရေနှင့် အာဟာရချို့တဲ့နေ
3
ဆိုမားလီယားနိုင်ငံ နေရာအများစုမှာ ပြီးခဲ့တဲ့နှစ်ကုန်ပိုင်းကစပြီး ၂၀၂၁ တနှစ်လုံး မိုးခေါင်နေတာကြောင့် ပြည်သူ ၃ သန်းခွဲကျော်လောက်ဟာ သောက်သုံးရေ မရရှိမှု၊ အာဟာရချို့တဲ့မှုနဲ့ ရောဂါဘယထူပြောလာမှု အခက်အခဲပေါင်းစုံ ကြုံတွေ့နေရပါတယ်။
အထူးသဖြင့် ကိုယ်ဝန်ဆောင်အမျိုးသမီးတွေနဲ့ ကလေးတွေ အာဟာရချို့တဲ့နေပြီး ဆိုမားလီယားအစိုးရက အရေးပေါ်အခြေအနေ ကြေညာထားကာ နိုင်ငံတကာအကူအညီတွေ တောင်းခံနေပါတယ်။
ကမ္ဘာ့စားနပ်ရိက္ခာအဖွဲ့ (WFP) ရဲ့ ဆိုမားလီးယားနိုင်ငံ လက်ထောက်ဒါရိုက်တာ လာရာဖော်စီ က “ဆိုမားလီယားမှာ တတိယအကြိမ် မိုးခေါင်မှုကြုံရတာပါ။ လူ ၃ ဒသမ ၅ သန်း စားနပ်ရိက္ခာမရှိတာကြောင့် အခြေအနေဟာ အလွန်စိုးရိမ်ဖို့ကောင်းပါတယ်။ မေလမှာ လူ ၄ ဒသမ ၆ သန်းထိ အစားအစာပြတ်လပ်မှု ကြုံရဖို့ရှိနေတယ်။ ဆိုမားလီယား လူဦးရေရဲ့ ၃၀ ရာခိုင်နှုန်းဖြစ်ပါတယ်” လို့ ပြောပါတယ်။
