ရော်နယ်ဒို၏ တစ်နှစ်အတွင်း သွင်းဂိုးအများဆုံးစံချိန်ကို လီဝန်ဒေါစကီး လိုက်မီ

ဘိုင်ယန်မြူးနစ်တိုက်စစ်မှူး လီဝန်ဒေါစကီးဟာ ဝုဖ်ဘက်နဲ့ပွဲမှာ တစ်ဂိုးသွင်းခဲ့ပြီးနောက် ရော်နယ်ဒို ရဲ့ တစ်နှစ်အတွင်း သွင်းဂိုးအများဆုံးစံချိန်ကို လိုက်မီခဲ့ပါတယ်။
လီဝန်ဒေါစကီးဟာ ၂၀၂၁ ခုနှစ် ပြက္ခဒိန်တစ်နှစ်တာကာလအတွင်းမှာ ဘိုင်ယန်အတွက် စုစုပေါင်း ၆၉ ဂိုးသွင်းယူနိုင်ခဲ့တာပါ။
စီရော်နယ်ဒိုကတော့ ၂၀၁၃ ခုနှစ်မှာ ရီးရဲလ်မက်ဒရစ်အသင်းအတွက် တစ်နှစ်အတွင်း စုစုပေါင်း ၆၉ ဂိုးသွင်းခဲ့တာပါ။
လီဝန်ဒေါစကီးဟာ ဘိုင်ယန်အတွက် တစ်နှစ်အတွင်း ဘွန်ဒက်စ်လီဂါဂိုး ၄၃ ဂိုးသွင်းခဲ့တာကြောင့် ဂတ်မူလာရဲ့ လိဂ်သွင်းဂိုးစံချိန်ကိုလည်း ကျော်ဖြတ်နိုင်ခဲ့ပါတယ်။
တစ်နှစ်အတွင်းမှာ ကလပ်နဲ့ နိုင်ငံအတွက် ဂိုးအများဆုံးသွင်းယူသူအနေနဲ့ ကမ္ဘာ့စံချိန်တင်ရှိထားသူတွေကတော့ ဂျာမနီတိုက်စစ်မှူးဟောင်း ဂတ်မူလာနဲ့ ပီအက်စ်ဂျီတိုက်စစ်မှူး မက်ဆီတို့ဖြစ်ပါတယ်။
မက်ဆီဟာ ၂၀၁၂ ခုနှစ် တစ်နှစ်တာကာလအတွင်းမှာ ဘာစီလိုနာနဲ့ အာဂျင်တီးနားအတွက် စုစုပေါင်း ၈၆ ဂိုး အထိသွင်းခဲ့ပြီး ဂတ်မူလာရဲ့စံချိန်ကို လိုက်မီခဲ့တာပါ။
အဲဒီအချိန်က ဘာစီလိုနာအတွက် ၇၄ ဂိုးအထိသွင်းခဲ့ပြီး အာဂျင်တီးနားအတွက် ၁၂ ဂိုးသွင်းခဲ့တာဖြစ်ပါတယ်။