ဩစတြေးလျနိုင်ငံ အရှေ့ဘက်ကမ်းရိုးတန်းမှာ အပေါ့စားလေယာဉ်တစီး ဒီဇင်ဘာ ၁၉ ရက်က ပျက်ကျခဲ့တာကြောင့် ကလေး ၂ ယောက် အပါအဝင် လေယာဉ်ပေါ်ပါသူ ၄ ဦးစလုံး သေဆုံးခဲ့တယ်လို့ ရဲက ပြောပါတယ်။

အသက် ၆၉ နှစ်အရွယ် လေယာဉ်မှူးက ခရီးသည် ၃ ယောက်နဲ့အတူ အပျော်စီး ခရီးထွက်ခဲ့တာလို့ ရဲက ပြောပါတယ်။

လေယာဉ်ဟာ ပျံတက်အပြီး မကြာခင် ဘရစ္စဘိန်းမြို့ အရှေ့မြောက်ဘက် ရဒ်ကလစ်ဖ်အရပ်က မိုးတန် ပင်လယ်အော်အတွင်း ဒီရေတောအနားကို ပျက်ကျခဲ့တာဖြစ်ပြီး ခရီးသည်တွေ ဘယ်သူဆိုတာ ဖော်ထုတ်ဖို့ ရဲက စစ်ဆေးနေပါတယ်။ 

လေယာဉ်ပျက်ကျရတဲ့ အကြောင်းရင်းသိရဖို့ သီတင်းပတ် ၆ ပတ်ကနေ ၈ ပတ်ထိ ကြာမယ်လို့ ဩစတြေးလျ သယ်ယူပို့ဆောင်မှု ဘေးကင်းရေးဘုတ်အဖွဲ့ ကော်မရှင်နာမင်းကြီး ဩဂတ်စ်မစ်ချဲက ပြောပါတယ်။