စစ်ကိုင်းတိုင်း အရာတော်မြို့နယ် ကျောက်စရစ်ကန်ရွာနဲ့ ဝါရောင်းကျေးရွာကြားမှာ ဇန်နဝါရီ ၂၃ ရက် မနက် ၆ နာရီလောက်က စစ်ကောင်စီယာဉ်တန်းကို ဒေသခံပြည်သူကာကွယ်ရေးမဟာမိတ် ၈ ဖွဲ့က မိုင်းနှစ်ကြိမ်ခွဲ တိုက်ခိုက်ခဲ့တယ်လို့ အရာတော်မြို့နယ်ပြည်သူ့ကာကွယ်ရေးအဖွဲ့ သပြေညိုပြောက်ကျားအဖွဲ့က ထုတ်ပြန်ထားပါတယ်။

စစ်ကောင်စီတပ်က ဖောကားနှစ်စီးဟာ အရာတော်မြိုနယ် အောင်သာကုန်းကျေးရွာကနေ ပျူစောထီး နဲ့ စစ်ကောင်စီတပ်သားတွေ တင်ဆောင်လာပြီး ဝါးရောင်းကျေးရွာအနီးမှာ ပထမအကြိမ် ပဒေသာမိုင်း ၄ လုံးခွဲပြီး တိုက်ခိုက်ခဲ့ရာ စစ်ကောင်စီ ကားတစ်စီး စက်ပိုင်းဆိုင်ရာ ချို့ယွင်းသွားကာ စစ်ကောင်စီဘက်ကလည်း ပြန်လည်ပစ်ခတ်တိုက်ခဲ့တယ်လို့ ဆိုပါတယ်။ 

အဲဒီလို စစ်ကောင်စီက ပစ်ခတ်တာတွေလုပ်ခဲ့ပြီး စက်ပိုင်းဆိုင်ရာချို့ယွင်းသွာတဲ့ ဖောကားကို ကျန်ကားတစ်စီး နဲ့ ကျောက်ရစ်ကန်ကျေးရွာဘက်ကို ချိတ်ဆွဲသွားတယ်လို့ ဖော်ပြထားပါတယ်။

ပျက်စီးခဲ့တဲ့ စစ်ကောင်စီကားနဲ့ တခြားစစ်ကားတစ်စီးကို ကျောက်ရစ်ကန်ရွာဘက်မှာ ဒေသခံပြည်သူကာကွယ်‌ရေး မဟာမိတ် ၈ ဖွဲ့က ပဒေသာမိုင်း ၂ လုံး၊ တူမီး၊ ရှေ့ထွက်လက်နက်ကြီးနဲ့ နောက်ထပ်တစ်ကြိမ်ထပ်မံတိုက်ခိုက်ခဲတယ်လို့ ဖော်ပြထားပါတယ်။

အခုလိုစစ်ယာဉ်တန်း မိုင်းဆွဲတိုက်ခိုက်ခံရတာကြောင့် အကျအဆုံးရှိတယ်လို့ ဒေသခံကာကွယ်ရေးအဖွဲတွေက ပြောဆိုပေမယ့် စစ်ကောင်စီဘက်ကတော့ တစုံတရာ ထုတ်ပြန်ထားတာ မတွေ့ရသေးပါဘူး။ 

အခုတိုက်ပွဲမှာ ဒေသခံပြည်သူကာကွယ်ရေးမဟာမိတ်၈ဖွဲ့က အကျဆုံးမရှိဘူးလို့ ဆိုပါတယ်။

အရာတော်မြိုနယ်အတွင်း စစ်ကောင်စီယာဉ်တန်းကို သပြေညို ပြောက်ကျားတပ်ဖွဲ့၊  Ayadaw   Bone Naing-PDF(A.B.N.PDF)၊ ပတ္တမြားညီနောင် ပျောက်ကြားတပ်ဖွဲ့ တိုကဦးဆောင်ပြီး Knights Of The Red Land (KORL)ပျောက်ကြားတပ်ဖွဲ့၊ Ayardaw Falcon Force(AF2)၊ M.R.T.Fတပ်ဖွဲ့၊ The Guys Of Burma Revolution Force(GBRF) စတဲ့ညီနောင် (၈) ဖွဲ့ တို့ ပူးပေါင်းပြီး နှစ်ကြိမ် မိုင်းဆွဲခဲ့တာလို့ ထုတ်ပြန်ချက်မှာ ဖော်ပြထားပါတယ်။