စစ်ကိုင်းတိုင်း၊ ယင်းမာပင်မြို့နယ်မှာ ​ဒေသခံ PDF ​တပ်ဖွဲ့ နှစ်ဖွဲ့ဟာ  ​အခက်အခဲများကြားက​နေ အ​ခြေခံစစ်ပညာသင်တန်းဆင်းပွဲကို ​အောင်မြင်စွာ ပြုလုပ်နိုင်ခဲ့တယ်လို့ သိရပါတယ်။

Hero Tiger Force PDF အဖွဲ့ရဲ့ အ​ခြေခံ စစ်ပညာသင်တန်းအပတ်စဥ် ၁/၂၂ ကို ​ဖေ​ဖော်ဝါရီ  ၂ ရက်​က ​ပြုလုပ်ခဲ့ကြတာဖြစ်ပြီး ကိုယ်ထူကိုယ်ထ ဗိုလ်စက္ကဦး​​ဆောင်တဲ့ ​ဒေါင်းမင်း PDFအဖွဲ့ရဲ့ ​အပတ်စဥ် (၃) သင်တန်းဆင်းပွဲကို​တော့ ဖေ​ဖော်ဝါရီ ၄ ရက်​က ​အခက်အခဲ​တွေကြားက​နေ အောင်မြင်စွာ ပြုလုပ်ခဲ့ကြတယ်လို့ အဖွဲ့​ခေါင်း​ဆောင်​​တွေက ​ပြောပါတယ်။

Hero Tiger Force PDF အဖွဲ့မှာ အမျိုးသမီး ရဲ​ဘော် ၅၀ နဲ့ အမျိုးသားရဲ​ဘော် ၁၅၀ တို့ ပါဝင်ခဲ့ပြီး ကိုယ်ထူကိုယ်ထ ဗိုလ်စက္ကဦး​ဆောင်​​သော ​ဒေါင်းမင်း PDFအဖွဲ့မှာ အမျိုးသားရဲ​ဘော် ၆၅ ဦး တက်​ရောက်သင်ကြားခဲ့တယ်လို့ PDF အဖွဲ့​ခေါင်း​ဆောင်တွေက ​ပြောပါတယ်။

PDF အဖွဲ့တွေဟာ အာဏာရှင်စနစ်ကို အမြစ်ပြတ်တိုက်ထုတ်သွားမှာဖြစ်ပြီး ပြည်သူတွေရဲ့​ရှေ့မှာ မားမားမတ်မတ် ရပ်တည်သွားမှာဖြစ်တယ်လို့ ဆိုပါတယ်။

သင်တန်းဆင်း ရဲဘော်တွေကို  မိဘပြည်သူတွေကလည်း သင်တန်းဆင်းပွဲအထိမ်းအမှတ်အဖြစ် အောင်သပြေပန်း​တွေနဲ့ ကြိုဆိုဂုဏ်ပြုခဲ့ကြပါတယ်။