ပရီးမီးယားလိဂ် ချန်ပီယံဆုဖလားလုပွဲနဲ့ ပတ်သက်ပြီး တစ်စက္ကန့်မှတောင်မစဉ်းစားကြောင်း လီဗာပူးနည်းပြ ယာဂန်ကလော့ပ်က ပြောပါတယ်။ 

လီဗာပူးအသင်းဟာ ပြီးခဲ့တဲ့တစ်ပတ် မန်စီးတီးအသင်းက စပါးအသင်းကို ရှုံးနိမ့်ခဲ့တာကြောင့် စီးတီးနဲ့ အမှတ်ကွာဟချက်ကျဉ်းမြောင်းလာခဲ့ပါတယ်။ 

လီဗာပူးက လက်ကျန်တစ်ပွဲအလိုမှာ ၆ မှတ်သာကွာဟတော့တာဖြစ်ပြီး ချန်ပီယံဆုအတွက် မျှော်လင့်ချက်ပြန်ရှိလာတဲ့ အခြေအနေဖြစ်ပါတယ်။ 

နည်းပြကလော့ပ်ကတော့ လက်ကျန်ပွဲစဉ်အားလုံးကို အနိုင်ကစားနိုင်မှသာ ချန်ပီယံဖြစ်ဖို့ မျှော်လင့်ချက်ရှိနိုင်ပြီး လက်ရှိအခြေအနေမှာတော့ ချန်ပီယံပြေးလမ်းနဲ့ ပတ်သက်လို့ တစ်စက္ကန့်တောင် မစဉ်းစားကြောင်းပြောပါတယ်။ 

“ချန်ပီယံဆုနဲ့ ပတ်သက်လို့ လူတွေ စိတ်လှုပ်ရှားလာခဲ့ကြတာက ကောင်းပါတယ်။ စီးတီးက ပြီးပြည့်စုံတဲ့ အသင်းမဟုတ်ပေမယ့် ခက်ခဲတဲ့အခြေအနေပါ။ ချန်ပီယံလုပွဲနဲ့ ပတ်သက်ပြီး တစ်စက္ကန့်တောင်မစဉ်းစားပါဘူး။ ပွဲတွေ အများကြီးကစားဖို့ကျန်သေးတယ်။ ကျနော်တို့က ပွဲတိုင်းအနိုင်ရမှ ချန်ပီယံလုပွဲတစ်ခုဖြစ်လာလိမ့်မယ်။” 

လီဗာပူးအသင်းဟာ ဒီကနေ့ည လိဒ်ယူနိုက်တက်နဲ့ လက်ကျန်ပွဲစဉ်ကစားရမှာဖြစ်ပြီး အနိုင်ရမယ်ဆိုရင် မန်စီးတီးနဲ့ ၃ မှတ်သာ ကွာဟတော့မှာဖြစ်ပါတယ်။