နိုင်ငံတွင်း ဆက်လက်ဖြစ်ပွားနေတဲ့ ပဋိပက္ခတိုက်ပွဲတွေကြောင့်  တခြားနိုင်ငံတွေဆီ ထွက်ပြေး တိမ်းရှောင်နေကြရတဲ့ ယူကရိန်းဒုက္ခသည်တွေကို လက်ခံသွားမယ်လို့ ဂျပန်ဝန်ကြီးချုပ် ဖူမီအို ခိရှီဒက ပြောပါတယ်။

“ပထမဆုံးအနေနဲ့ ဂျပန်မှာ ဆွေမျိုးတွေ၊ အသိအကျွမ်းတွေရှိတဲ့ ယူကရိန်းနိုင်ငံသားတွေကို (လက်ခံသွားဖို့) ရည်ရွယ်ပါတယ်။ နောက်တော့မှ အဲဒီထက်ကျော်လွန်ပြီး လူသား ချင်းစာနာထောက်ထားမှု ရှုထောင့်ကနေပြီးတော့ ဒီအခြေအနေကို တုံ့ပြန်သွားဖို့ အစီအစဉ် ရှိပါတယ်”

ခိရှီဒက ပိုလန်ဝန်ကြီးချုပ် မိုရာဝီရက်စကီဆီလည်း ဒီမူဝါဒနဲ့ ပတ်သက်ပြီးတော့ တယ်လီ ဖုန်းကတတဆင့် ဆက်သွယ်အကြောင်းကြားခဲ့ပြီး ဖြစ်ကာ ယူကရိန်းကနေ ထောင်သောင်းချီတဲ့ ယူကရိန်းဒုက္ခသည်တွေဟာ ပိုလန်နိုင်ငံဘက်ကို ထွက်ပြေးတိမ်းရှောင်နေကြတာဖြစ်ပါတယ်။

“ခုလို အရမ်းကိုအရေးကြီးတဲ့အခြေအနေမှာ ယူကရိန်းပြည်သူတွေနဲ့အတူ စည်းလုံးညီညွတ်မှုကို ပြသချင်ပါတယ်။ လိုအပ်တဲ့ လုပ်ထုံးလုပ်နည်းတွေကိုလည်း ကျနော်တို့ တတ်နိုင်သမျှ အမြန်ဆုံး အကောင်အထည်ဖော် ဆောင်ရွက်သွားမှာပါ”

လတ်တလောမှာတော့ ဂျပန်နိုင်ငံကို နိုင်ငံတကာ ခရီးသွားတွေ နေ့စဉ်ဝင်ရောက်မှုကို ကိုဗစ်-၁၉ ကပ်ဘေးကြောင့် ထိန်းချုပ်ကန့်သတ်မှုတွေ ရှိနေပေမဲ့ ယူကရိန်းဒုက္ခသည်တွေကိုတော့ အကျိုးသက်ရောက်လိမ့်မှာ မဟုတ်ဘူးလို့ ခိရှီဒက ပြောတဲ့အကြောင်း ထိုင်းနိုင်ငံအခြေစိုက် သည်နေးရှင်းသတင်းမှာဖော်ပြပါတယ်။

Ref: The Nation