ဟောင်ကောင်မှာ လူများစုကို ရောဂါခြေချုပ်အတွက် သီးခြားခွဲထားစရာ နေရာတွေနဲ့ ယာယီ အဆောင်တွေကို သုံးပြီး ကိုဗစ်-၁၉ ကပ်ရောဂါကူးစက်မှုအခြေအနေ ပိုဆိုးလာနေတာကို ထိန်းချုပ်ဖို့ မတ်လ ၇ ရက်က ကြိုးစားနေရပါတယ်။

တရက်တည်းမှာ အသစ်ကူးစက်ခံဦးရေ ၂၅,၁၅၀ နဲ့ ကူးစက်ခံ သေဆုံးသူ ၂၈၀ ရှိတယ်လို့ အာဏာပိုင်တွေက ပြောပါတယ်။

ကိုရိုနာဗိုင်းရပ်စ်ဟာ ဟောင်ကောင်က ကာကွယ်ဆေး မထိုးရသေးတဲ့ သက်ကြီးမြို့သားတွေ အများအပြားနဲ့ ရာချီတဲ့ သူနာပြုဂေဟာတွေမှာ ကူးစက်နေတာပါ။ ဟောင်ကောင်ဆေးရုံတွေ၊ ရောဂါခြေချုပ်ဌာနတွေနဲ့ ဈာပနအခမ်းအနား ကျင်းပရာ နေရာတွေမှာ လူတွေ ပြည့်လျှံနေပါတယ်။

ဒါကြောင့် ကျန်းမာရေးစောင့်ရှောက်မှုစနစ်၊ အများပြည်သူ သယ်ယူပို့ဆောင်ရေး၊ ကုန်တိုက်တန်းတွေ၊ စာပို့ဌာနတွေ၊ စူပါမားကက်တွေနဲ့ ဆေးဆိုင်တွေမှာ ဝန်ထမ်းတွေ ပြတ်လပ် နေပါတယ်။

ဟောင်ကောင်ဟာ ၂၀၂၁ ခုနှစ်တုန်းက ဗိုင်းရပ်စ်ကို ထိန်းချုပ်ရာမှာ အောင်မြင်ခဲ့ပေမဲ့ ခုတော့ ကိုဗစ်-၁၉ ကပ်ရောဂါ ကူးစက်ခံ စုစုပေါင်းဦးရေဟာ ၅ သိန်းကျော်သွားခဲ့ပါပြီ။ ကျန်ခဲ့တဲ့ သီတင်းပတ် ၂ ပတ်အတွင်း ကူးစက်ခံ သေဆုံးသူဦးရေ ၂,၂၀၀ ကျော်ခဲ့ပါတယ်။