ကလေးမြို့ တာဟန်းရပ်ကွက်၌ မီးလောင်၊ နေအိမ် ၂ လုံးဆုံးရှုံး
2
စစ်ကိုင်းတိုင်း ကလေးမြို့ပေါ် တာဟန်းရပ်ကွက် နယ်မြေ ၁၄ မှာ ဧပြီ ၁ ရက် ညနေ ၃ နာရီလောက်က မီးလောင်မှုဖြစ်ခဲ့ပြီး နေအိမ်နှစ်လုံး ဆုံးရှုံးခဲ့တယ်လို့ သိရပါတယ်။
ပေါ့ဆမှုကြောင့် လောင်တာဖြစ်ပြီး မီးသတ်ကား ၃ စီးအပါအဝင် ရပ်ကွက်နေသူတွေက မီးကို ညနေ ၄ နာရီလောက်မှာ ငြှိမ်းသတ်နိုင်ခဲ့တယ်လို့ မီးသတ်ဦးစီးဌာနက ဆိုပါတယ်။
မီးလောင်မှုဖြစ်ပွားတဲ့ အိမ်အနီးနားနေသူတဦးက "ပျက်စီးဆုံးရှုံးမှုတန်ဖိုးကို အတိအကျမသိရသေးဘူး။ မီးစတင်လောင်ကျွမ်းတာကို သေချာ အတည်မပြုနိုင်သေးဘူး” လို့ ပြောပါတယ်။
ဒါ့အပြင် တာဟန်းရပ်ကွက်မှာပဲ မတ် ၃၁ ရက်နဲ့ ၂၉ ရက်တွေမှာ စစ်ကောင်စီတပ်ဖွဲ့နဲ့ ကလေး PDF တပ်ဖွဲ့တွေကြား ထိတွေ့မှုဖြစ်ခဲ့ပါသေးတယ်။
