အိုဒက်ဆာမြို့မှ ယူကရိန်းဒုက္ခသည်များ ရိုမေးနီးယားကို ရောက်ရှိ
ရုရှားကျူးကျော်စစ်ကြောင့် ယူကရိန်းတောင်ဘက် အိုဒက်ဆာဆိပ်ကမ်းမြို့ကနေ ထွက်ပြေးလာသူတွေ ဧပြီ ၁၀ ရက်နေ့က နယ်စပ်ဖြတ်ကျော်ပြီး ရိုမေးနီးယားနိုင်ငံ အီဆာကြာမြို့ကို ရောက်ရှိခဲ့ပါတယ်။
ကလေးတွေနဲ့ မိခင်တွေ အများအပြား ပါဝင်တဲ့ ဒုက္ခသည်တွေကို နိုင်ငံတကာ ဗော်လန်တီယာတွေက စောင့်ကြိုဆိုနေပြီး အစားစာတွေ ပေးခဲ့တာပါ။
တာတီယာနာဆိုတဲ့ မိခင်တဦးက ယူကရိန်းကနေ နေလိုမရတဲ့အဆုံး ဆုံးဖြတ်ပြီး ထွက်ခွာခဲ့ရတာပါလို့ ပြောပါတယ်။
“မနေ့က ကျမတို့အိမ်မှာ ဒုံးကျည်တလုံး ထိမှန်တာ၊ တကယ်ကြောက်စရာပါ။ အဲဒါ ကလေးတွေ ခေါ်ပြီး ထွက်လာဖို့ ဆုံးဖြတ်လိုက်ရတာပါ။”
အိုဒက်ဆာဒေသ ပြောရေးဆိုခွင့်ရှိသူကတော့ ဧပြီ ၈ ရက်မှာ စစ်ရေးလေ့ကျင့်စခန်းတခုကို ဒုံးကျည်တွေနဲ့ ပစ်ခတ်ခဲ့ပေမဲ့ အသေအဆုံး မရှိခဲ့ဘဲ နောက်ထပ် ရုရှားတပ်တွေ တက်လာမယ့် လက္ခဏာ မတွေ့ရဘူးလို့ ပြောပါတယ်။
စစ်ပွဲစတင်ကတည်းကဆိုရင် ရိုမေးနီးယားနိုင်ငံထဲ ရောက်ရှိနေတဲ့ ယူကရိန်းဒုက္ခသည် အရေအတွက် ၆၅၉,၀၆၄ ဦး ရှိပါတယ်။
