တရုတ်နဲ့ ရုရှားကြား ဘက်စုံကုန်သွယ်ရေးဟာ ဇန်နဝါရီကနေ မတ်လအတွင်း အမေရိကန်ဒေါ်လာ ၃၈ ဒသမ ၁၈ ဘီလီယံနဲ့ ညီမျှတဲ့ တရုတ်ယွမ်ငွေ ၂၄၃ ဒသမ ၀၃ ဘီလီယံထိ တိုးတက်သွားခဲ့တယ်လို့ တရုတ်အကောက်ခွန်ဌာနပြောခွင့်ရက ဧပြီ ၁၃ ရက်မှာ ပြောပါတယ်။

ဒါဟာ အရင်နှစ် အလားတူ အချိန်ကထက် ၂၇ ဒသမ ၈ ရာခိုင်နှုန်း တိုးလာခဲ့တာပါ။

တဖက်မှာလည်း ပထမ ၃ လပတ်အတွင်း တရုတ်နဲ့ ယူကရိန်းကြား ဘက်စုံကုန်သွယ်ရေးက တရုတ်ယွမ်ငွေ ၂၉ ဒသမ ၆ ဘီလီယံဖိုးထိ တိုးသွားခဲ့လို့ အရင်ကထက် ၁၀ ဒသမ ၆ ရာခိုင်နှုန်း တိုးလာတယ်လို့ အကောက်ခွန်ဌာန ပြောခွင့်ရ လီကွေ့ဝမ်က သတင်းစာရှင်းလင်းပွဲမှာ ပြောပါတယ်။

တရုတ်ရဲ့ နိုင်ငံတကာ ကုန်သွယ်ရေးဟာ စိန်ခေါ်မှုတွေ၊ အန္တရာယ်တွေ အများကြီးကို ရင်ဆိုင်နေရတယ်၊ ပြည်တွင်းပြည်ပ ကိစ္စရပ် ရုတ်တရက် အပြောင်းအလဲတွေက ခန့်မှန်းတာတွေထက် ပိုလွန်နေတယ်လို့လည်း သူက ဆက်ပြောပါတယ်။

တရုတ်ရဲ့ ပြည်ပတင်ပို့ကုန်ဟာ ဇန်နဝါရီနဲ့ မတ်လကြားမှာ ၁၃ ဒသမ ၄ ရာခိုင်နှုန်း တိုးလာတယ်၊ ပြည်တွင်း တင်သွင်းကုန်တွေကတော့ ၇ ဒသမ ၅ ရာခိုင်နှုန်း တိုးလာတယ်လို့ အကောက်ခွန် သတင်းအချက်အလက်တွေက ဧပြီ ၁၃ ရက်မှာ ပြသထားပါတယ်။