မန်ယူအသင်းနည်းပြသစ် တန်ဟတ်ချ်အနေနဲ့ အသင်းကို အကောင်းဆုံး ကိုင်တွယ်နိုင်ပြီး အောင်မြင်မှုတွေ ရယူနိုင်ဖို့ မျှော်လင့်ကြောင်း ဂန္ထဝင်နည်းပြကြီး ဖာဂူဆန်က ပြောပါတယ်။

ဧပြီ ၂၇ ရက်က မြင်းပြိုင်ပွဲတခုကို လာရောက်အားပေးချိန်မှာ အသင်းဟောင်း မန်ယူနည်းပြ တန်ဟတ်ချ်နဲ့ ပတ်သက်ပြီး ဖာဂူဆန်က မှတ်ချက်ပေးခဲ့တာပါ။

“သူ အကောင်းဆုံး လုပ်ဆောင်နိုင်မယ်လို့ ကျနော်မျှော်လင့်တယ်။ ဘာဖြစ်လို့လဲဆိုတော့ အသင်းကလည်း တစုံတယောက်ရဲ့ ထိန်းချုပ်နိုင်မှု လိုအပ်နေတယ်။ နည်းပြသစ်အနေနဲ့ အကောင်းဆုံး စွမ်းဆောင်နိုင်ဖို့ မျှော်လင့်တယ်။”

အသက် ၈ဝ ရှိလာတဲ့ စကော့တလန်နည်းပြကြီး ဖာဂူဆန်ဟာ အသင်းဟောင်း ယူနိုက်တက်ရဲ့ ပွဲစဉ်တွေကို လက်ရှိအချိန်အထိ လာရောက်ကြည့်ရှုနေဆဲ ဖြစ်ပါတယ်။

မန်ယူအသင်းဟာ နည်းပြ ဆာအဲလက်စ်ဖာဂူဆန် အနားယူသွားတဲ့ ၂၀၁၃ ခုနှစ်ကစတင်ပြီး ပရီးမီးယားလိဂ် ချန်ပီယံဆုနဲ့ ဝေးကွာနေဆဲ ဖြစ်ပါတယ်။