ရုရှားနိုင်ငံမှာ မော်စကိုမှာ မေ ၉ ရက် ညပိုင်းက မီးရှုးမီးပန်းတွေ လွှတ်ပြီး အောင်ပွဲနေ့ အထိမ်းအမှတ်အခမ်းအနားကို အဆုံးသတ်လိုက်ပါတယ်။ 

Victory Day  အောင်ပွဲနေ့ အခမ်းအနားဟာ ဒုတိယကမ္ဘာစစ်တုန်းက ဆိုဗီယက်ရုရှားက နာဇီဂျာမနီကို စစ်အောင်နိုင်ခဲ့တဲ့ အထိမ်းအမှတ်အဖြစ် မေ ၉ ရက်မှာ နှစ်စဉ် ကျင်းပတာပါ။ 

ရုရှားသမ္မတ ပူတင်ဟာ လောလောဆယ် ရုရှားက ယူကရိန်းမှာ တိုက်နေတဲ့ ကျူးကျော်စစ်ကို လည်း ဆိုဗီယက်ရုရှားက နာဇီကို တိုက်ခဲ့ရတဲ့ စစ်ပွဲနဲ့ နှိုင်းယှဉ်ပြောလေ့ရှိပါတယ်။ 

ဒါပေမယ့် ရုရှားရဲ့ ကျူးကျော်စစ်ကြောင့် အရပ်သားတွေ ထောင်ချီ သေဆုံးခဲ့ရပြီး ရာနဲ့ချီတဲ့ ဆေးရုံတွေ၊ တခြား တက္ကသိုလ်တွေ ဖျက်ဆီးခံခဲ့ရပါတယ်။ 

၂ လအတွင်းမှာ စစ်ကြောင့် လူပေါင်း ၁၂ ဒသမ ၇ သန်းဟာ အိုးအိမ်စွန့်ခွာခဲ့ရပြီး ၇ ဒသမ ၇ သန်းဟာ နိုင်ငံတွင်းမှာပဲ စစ်ဘေးဒုက္ခသည်ဘဝရောက်နေကာ ၅ သန်းကတော့ တခြား တနိုင်ငံမှာ ခိုလှုံဖို့  နယ်စပ်ဖြတ်ကျော် ထွက်ခွာသွားပြီးလို့ UNHCR က ပြောပါတယ်။