အမေရိကန်သမ္မတ ဂျိုးဘိုင်ဒင်က ဒီလနှောင်းပိုင်း စီစဉ်ထားတဲ့ ဥရောပခရီးစဉ်အတွင်း ယူကရိန်း နိုင်ငံကို  သွားဖို့ မရှိဘူးလို့ ဇွန် ၂၀ ရက်မှာ ပြောပါတယ်။ 

ယူကရိန်းဟာ အီးယူ ဥရောပသမဂ္ဂအဖွဲ့ဝင်ဖြစ်ဖို့ အခြေအနေ အလွန် အလားအလာ ကောင်းတယ်လို့လည်း သတင်းထောက်တွေကို ပြောပါတယ်။ 

အီးယူခေါင်းဆောင်တွေဟာ ဒီတပတ်ထဲမှာပဲ ယူကရိန်းကို ဥရောပသမဂ္ဂအဖွဲ့ဝင် နိုင်ငံဖြစ်ဖို့ တရားဝင်ထောက်ခံချက် ပေးဖို့ ရှိနေတယ်လို့ ရိုက်တာသတင်းက ဆိုပါတယ်။  ဒီလိုဖြစ်လာရင် ရုရှားနဲ့ စစ်ခင်းနေရတဲ့ ယူကရိန်းအတွက် အောင်ပွဲတခုလည်း ဖြစ်လာပါလိမ့်မယ်။ 

သမ္မတ ဂျိုးဘိုင်ဒင်ဟာ ဒါလဝဲပြည်နယ်က ရီဟိုဗို့သ်ကမ်းခြေကို ရောက်နေတဲ့ အချိန်မှာ အပန်းဖြေရောက်နေကြတဲ့ ပြည်သူတွေကို ရင်းရင်းနှီးနှီး လိုက်နှုတ်ဆက်ခဲ့ပြီး သတင်းထောက်တွေက နိုင်ငံရေးကိစ္စတွေ မေးတာကိုတော့ ပြန်ပြီး မဖြေကြားဘဲ နေခဲ့တယ်လို့ ရိုက်တာသတင်းက ဆိုပါတယ်။