အာဖဂန်နစ္စတန်နိုင်ငံ အရှေ့ပိုင်း လိုဂါပြည်နယ်မှာ ဩဂုတ် ၂၀ ရက်က  ရုတ်တရက် ရေကြီးလို့ လူအယောက် ၂၀ ထက်မနည်း သေဆုံးပြီး အယောက် ၃၀ ဒဏ်ရာရခဲ့ပါတယ်။

မိုးသည်းပြီး ရေကြီးရေလျှံခဲ့လို့ ရာနဲ့ချီတဲ့ မိသားစုတွေကို ဘေးလွတ်ရာ ရွှေ့ပြောင်းပေးခဲ့ရပြီး နှစ် ၃၀ အတွင်း အဆိုးရွားဆုံး ရေလွှမ်းမိုးမှုလို့ ဒေသခံတွေက ပြောပါတယ်။

ရေလွှမ်းမိုးမှုကြောင့်  လယ်မြေတွေနဲ့ ရပ်ကွက်တွေ အနှံ့အပြား ပျက်စီးသွားခဲ့သလို ပြည်နယ်ထဲက ကူရှီခရိုင်နဲ့ အနီးတစ်ဝိုက်က လယ်မြေတွေ ဟက်တာရာနှင့်ချီ ပျက်စီးခဲ့တာပါ။

ကယ်ဆယ်ရေးအဖွဲ့တွေဟာ အဆိုးရွားဆုံး ဒေသတွေမှာ တနင်္ဂနွေ မနက်ပိုင်းက ရှာဖွေကယ်ဆယ်ရေးလုပ်ငန်းတွေ လုပ်ခဲ့ကြပြီး ရွာသားတွေဆီကို ကယ်ဆယ်ရေးပစ္စည်းတွေ သယ်လာနေပြီလို့ လိုဂါပြည်နယ်အုပ်ချုပ်ရေးမှူး အီနာယာတူလာ ရှုဂျာက ပြောပါတယ်။