ပီရူးနိုင်ငံ ကုန်းမြင့်ပိုင်းက ကက်စ်ကိုဒေသမှာ အောက်တိုဘာ ၁၃ ရက်က တောမီး လောင်နေတာကို ငြှိမ်းသတ်ဖို့ မီးသတ်သမားတွေ အစွမ်းကုန် ကြိုးစားနေရပါတယ်။

ကက်စ်ကိုဒေသအရေးပေါ်ဌာနက ထုတ်ပြန်ထားတဲ့ သတင်းရုပ်သံထဲမှာ တောင်ပေါ်ဒေသမှာ တောမီး အကြီးအကျယ် လောင်ကျွမ်းနေတာကို တွေ့ရပါတယ်။

ဒီနှစ်အတွင်း ကက်စ်ကိုဒေသမှာ တောမီးလောင်ကျွမ်းတဲ့ အကြိမ်ပေါင်း ၃၃၂ ကြိမ် ရှိနေပြီလို့ ဒေသ ဘေးအန္တရာယ် စီမံခန့်ခွဲရေးဌာန ဒါရိုက်တာ ရောဘတ်တို အဗ်ဘာကာက ပြောပါတယ်။ လူသေဆုံး ဒဏ်ရာရတဲ့စာရင်းတော့ တရားဝင် ထုတ်ပြန်ထားတာ မရှိပါဘူး။