အီရန်နိုင်ငံရဲ့ မြို့တော်တီဟီရန်မှာ ဆန္ဒပြသူတွေကို နှိမ်နင်းတာနဲ့ ရုရှားကို မောင်းသူမဲ့ လေယာဉ်တွေ ထောက်ပံ့မှုအတွက် အီရန်က လူတယောက်ချင်းနဲ့ အဖွဲ့အစည်းတွေအပေါ် ပိတ်ဆို့အရေးယူမှု အသစ်တွေကို ပြန်သုံးသပ်ဖို့ ဥရောပသမဂ္ဂ (အီးယူ) နိုင်ငံခြားရေး ဝန်ကြီးတွေ  ကြိုးပမ်းနေပါတယ်။

အီးယူရဲ့ ဒဏ်ခတ်ပိတ်ဆို့မှုစာရင်းထဲမှာ လူတဦးချင်းနဲ့ အဖွဲ့အစည်းပေါင်း ၂၀၀ နီးပါးကို ထည့်သွင်းဖို့ စီစဉ်ထားတဲ့ ရုရှားရဲ့ ပိတ်ဆို့အရေးယူမှု ၉ ခုမြောက် အစီအစဉ်ကိုလည်း အီးယူ နိုင်ငံခြားရေးဝန်ကြီးတွေက တဆက်တည်း ဆွေးနွေးကြပေမဲ့ သဘောတူညီမှု မရသေးဘူးလို့ အီးယူ နိုင်ငံခြားရေးမူဝါဒ အကြီးအကဲ ဂျိုးဇက် ဘော်ရယ်က အလေးအနက် ပြောခဲ့ပါတယ်။

တနင်္လာနေ့ ဒါမှမဟုတ် အင်္ဂါနေ့နှောင်းပိုင်းမှာ သဘောတူညီချက် ဖြစ်လာနိုင်တယ်လို့ သူက မျှော်လင့်ထားပါတယ်။

ဝန်ကြီးတွေဟာ ယူကရိန်းအစိုးရအတွက် လက်နက်ဝယ်ဖို့ ရန်ပုံငွေအဖြစ် အဖွဲ့ဝင်နိုင်ငံတွေရဲ့ ရန်ပုံငွေ ယူရို ၂ ဘီလီယံကို ဖြည့်သွင်းဖို့ ရည်မှန်းထားပေမဲ့ ယူကရိန်းစစ်ပွဲ ၁၀ လနီးပါးမှာ အကြီးအကျယ် ကုန်ခန်းသွားတာပါ။

နိုင်ငံခြားရေးဝန်ကြီးတွေဟာ သူတို့ရဲ့ ထောက်ပံ့ပို့ဆောင်ရေးနဲ့ အခြေခံအဆောက်အအုံတွေ တိုးတက်ကောင်းမွန်လာစေရေး ပထမပိုင်းမှာ တပ်ဖွဲ့ဝင်တွေကို နိုင်ဂျာနိုင်ငံဆီ သုံးနှစ်ကြာ စစ်ရေးခရီးစဉ်အတွက် လမ်းခင်းပေးမယ်လို့လည်း မျှော်လင့်ထားပါတယ်။