နောက်ခံလူမက်ဂွဲယားဟာ အသင်းရဲ့ ငါးယောက်မြောက် ဦးစားပေးကစားသမားမဟုတ်ကြောင်း မန်ယူနည်းပြတန်ဟတ်ဂ်ကပြောပါတယ်။

မက်ဂွဲယားဟာ လုခ်ရှော၊ ဗာရန်း၊ မာတီနက်ဇ်နဲ့ လင်ဒီလော့ဖ်တို့ ပြီးနောက် ငါးယောက်မြောက် ဦးစားပေးကစားသမားဖြစ်ကြောင်း ဘောလုံးပရိသတ်တွေက သုံးသပ်ခဲ့ကြတာပါ။

အမှန်တကယ်မှာလည်း နည်းပြတန်ဟက်က မက်ဂွဲယားကို ပွဲထွက်ခွင့်မပေးဘဲ  ကစားသမား ၄ ဦးကိုပဲ အလှည့်ကျသုံးနေသလို ဖြစ်ခဲ့တာပါ။

နည်းပြတန်ဟတ်ဂ်ကတော့ မက်ဂွဲယားက ၅ ဦးမြောက်ဦးစားပေးကစားသမားမဟုတ်ကြောင်း၊ ပွဲထွက်ခွင့်က မက်ဂွဲယားအပေါ်မှာပဲမူတည်ပြီး  ပုံမှန်နေရာရဖို့ တိုက်ပွဲဝင်သွားရမှာဖြစ်ကြောင်း၊ မက်ဂွဲယားဟာ တိုးတက်မှုတွေရှိလာတဲ့ ကစားသမားဖြစ်ပြီး လေ့ကျင့်ရေးကွင်းမှာလည်း ကြိုးစားမှုကောင်းကြောင်း နည်းပြတန်ဟတ်ဂ်ကပြောပါတယ်။

အင်္ဂလန်နောက်ခံလူဟာ ယူနိုက်တက်မှာ အရန်ခုံထိုင်ရတဲ့ပွဲများနေပြီး  ကစားခွင့်ရချိန်မှာလည်း လူစားဝင်ကစားခွင့်ရတဲ့ပွဲကပိုများနေတာဖြစ်ပါတယ်။