ဘီလာရုစ်နိုင်ငံနဲ့နယ်စပ်ရှိ ချာနိုဘိုင်းကင်းလွတ်ဇုန်ထဲမှာ ယူကရိန်း လက်နက်ကိုင်တပ်ဖွဲ့တွေ ဖေဖော်ဝါရီ ၃ ရက်ကစပြီး စစ်ရေးလေ့ကျင့်ခဲ့ပါတယ်။

လေ့ကျင့်ရာမှာ ဆိုဗီယက်ခေတ်က မောင်းသူမဲ့ 2S3 အာကတ်စီယာတင့်ကားတွေ ပါဝင်ပြီး ဘီလာရုစ်နယ်မြေထဲကနေ ရုရှားက တိုက်ခိုက်တာခံရရင် တပ်ဖွဲ့ဝင်တွေ အဆင်သင့်ဖြစ်မှု မြှင့်တင်ဖို့ ရည်ရွယ် ထားပါတယ်။

နှင်းတွေကျလာတာနဲ့အမျှ တပ်မတော်သားတွေဟာ ပျက်သွားတဲ့ နျူကလီးယားဓာတ်အားပေး စက်ရုံ တစ်ဝိုက် ကီလိုမီတာ ၃၀ အကွာက သီးသန့် ဇုန်ထဲမှာ ရိုင်ဖယ်သေနတ်တွေကို ပစ်ခတ်ခဲ့ကြပါတယ်။

ရုရှားက အပြည့်အဝ ကျူးကျော်ဝင်ရောက်တဲ့နေ့ ဖြစ်တဲ့ ၂၀၂၂ ခုနှစ် ဖေဖော်ဝါရီ ၂၄ ရက် နောက်ပိုင်း ယူကရိန်းနိုင်ငံရဲ့ မြောက်၊ တောင်နဲ့ အရှေ့ဘက်တို့မှ နောက်ထပ်တိုက်ခိုက်မှု ဖြစ်နိုင်ခြေကို ပယ်ချမှာ မဟုတ်ဘူးလို့ ယူကရိန်းနိုင်ငံ အမျိုးသားလုံခြုံရေးနှင့် ကာကွယ်ရေး ကောင်စီ အတွင်းရေးမှူး အိုလက်စီ ဒါနီလာ့ဗ်က ယူကရိန်းနဲ့ နိုင်ငံတကာ မီဒီယာတွေကို ပြောခဲ့ပါတယ်။ 

ရုရှားအစိုးရက အခုနှစ်အတွင်း သိမ်းပိုက်ထားတဲ့ နယ်မြေကို ပြန်သိမ်းဖို့ တန်ပြန်တိုက်ခိုက်မှု အတွက် ရာနဲ့ချီတဲ့ အနောက်တိုင်း စစ်သုံးတင့်ကားတွေနဲ့ သံချပ်ကာယာဉ်တွေကို လက်ခံ မရရှိသေးခင် လာမယ့်လတွေမှာ ရုရှားက တွန်းအားပေးဖို့ စိတ်ပိုင်းဖြတ်ထားပုံပေါ်တယ်လို့ စစ်ရေးကျွမ်းကျင်သူတွေက ပြောခဲ့ပါတယ်။

ယူကရိန်းစစ်တပ်က လက်ရှိ ပစ်ခတ်နိုင်တဲ့ အကွာအဝေးထက် နှစ်ဆနီးပါးရှိမယ့် အမေရိကန် ဒုံးကျည်တွေ အပါအဝင် စွမ်းရည်အသစ်တွေပါမယ့် လက်နက်တွေကို အနောက်နိုင်ငံတွေက ပေးမယ်လို့ ကတိပြုထားလို့ ယူကရိန်းက စစ်ရေးလေ့ကျင့်နေ တာပါ။

Ground Launched Small Diameter Bombs (GLSDB) လို့ခေါ်တဲ့ ဒုံးကျည်တွေဟာ ယူကရိန်း ပြည်မကြီးမှာရှိတဲ့ ရုရှားသိမ်းပိုက်ထားသော နယ်မြေအားလုံးအပြင် ၂၀၁၄ ခုနှစ်တည်းက ရုရှားအစိုးရက သိမ်းပိုက်ထားတဲ့ ခရိုင်းမီးယားကျွန်းဆွယ်ရဲ့ အစိတ်အပိုင်းတွေအထိ ပစ်မှတ်ထား နိုင်ပါတယ်။