မန်ယူအသင်းမှာ ခြေစွမ်းပြသနေတဲ့ တိုက်စစ်မှူးရက်ရှ်ဖို့ဒ်အတွက် ပျော်ရွှင်ရကြောင်း လီဗာပူးနည်းပြ ယာဂန်ကလော့ပ်က ပြောပါတယ်။

မန်ယူအသင်းနဲ့ပွဲစဉ်မတိုင်ခင် သတင်းစာရှင်းလင်းပွဲမှာ ရက်ရှ်ဖို့ဒ်ရဲ့ ခြေစွမ်းပြနေမှုအပေါ် ပျော်ရွှင်ရကြောင်း ကလော့ပ်က ပြန်လည်ဖြေကြားခဲ့တာပါ။ 

လီဗာပူးနည်းပြ တစ်ယောက်အနေနဲ့ မန်ယူနိုက်တက် အသင်းမှာ အပေါင်းလက္ခဏာတွေ ဖြစ်ပေးနေတာကို ကျေနပ်ပျော်ရွှင်ဖို့ မဖြစ်နိုင်ပေမယ့်  သူ့အနေနဲ့ကတော့ ခြေစွမ်းပြသနေတဲ့ ရက်ရှ်ဖို့ဒ်အတွက် ကျေနပ်ပျော်ရွှင်မိကြောင်း ပြောပါတယ်။

ရက်ရှ်ဖို့ဒ်ဟာ နည်းစနစ်၊ အမြန်နှုန်းကောင်းမွန်သလို  ဂိုးပေါက်ရှေ့မှာ တည်တည်ငြိမ်ငြိမ်နဲ့ မတူညီတဲ့ သွင်းဂိုးတွေ သွင်းယူနိုင်စွမ်းရှိကြောင်း၊ ယူနိုက်တက်နဲ့ပွဲစဉ်မှာ ခံစစ် စုစုစည်းစည်းဖြစ်နေဖို့လိုကြောင်း နည်းပြကလော့ပ်က ပြောသွားပါတယ်။