အင်္ဂလန်အသင်းနဲ့ ပူးပေါင်းလေ့ကျင့်နေစဉ်အတွင်း အူအတက်ခွဲစိတ်ခဲ့ရတဲ့ မန်စီးတီး တိုက်စစ် ကစားသမား ဖိုဒန်ဟာ လေးပတ်လောက် အနားယူရတော့မှာပါ။

ဖိုဒန်ဟာ အီတလီကို  ၂ ဂိုး ၁ ဂိုးနဲ့ အနိုင်ရခဲ့တဲ့ပွဲမှာ  ပွဲချိန် ၆၉ မိနစ်မှာ လူစားဝင်ကစားခဲ့ပေမဲ့ ပွဲချိန် ၈၁ မိနစ်မှာ ပြန်လည်လူစားလဲခံခဲ့ရပါတယ်။

မနေ့ညက ကစားခဲ့တဲ့ ယူကရိန်းကို အနိုင်ရတဲ့ပွဲမှာလည်း ဖိုဒန်လွဲချော်ခဲ့ပြီး မန်စီးတီးရဲ့ပွဲစဉ် တွေကိုပါဆက်လက်လွဲချော်မှာဖြစ်ပါတယ်။

မန်စီးတီးဟာ ဧပြီလ ၁ ရက်မှာ လီဗာပူးနဲ့ ကစားရမှာပါ။ အဲဒီပွဲစဉ်ကို  ဖိုဒန် လွဲချော်မှဖြစ်ပြီး ဆောက်သမ်တန်၊ ဘိုင်ယန်မြူးနစ်အသင်းတွေနဲ့ ပွဲတွေကိုပါ ဆက်ပြီးလွဲချော်ဖို့ရှိပါတယ်။