အိန္ဒိယနိုင်ငံ၊ အရှေ့မြောက်ပိုင်း၊ ဆစ်ခင်ပြည်နယ်မှာ ဧပြီ ၄ ရက်က နှင်းထုပြိုကျလို့ လူ ၆ ဦးထက်မနည်း သေဆုံးခဲ့တယ်လို့ ရဲတပ်ဖွဲ့နဲ့ ဒေသဆိုင်ရာ တာဝန်ရှိသူတွေက ပြောပါတယ်။

နာသူလာတောင်ကြားမှာ နှင်းထုပြိုကျလို့ သေဆုံးသူ ၆ ဦးစလုံးဟာ ခရီးသွားတွေဖြစ်ပြီး အနည်းဆုံး လူ ၃၀ ထက်မနည်း ဒဏ်ရာရခဲ့တယ်လို့ တာဝန်ရှိသူတွေက ပြောပါတယ်။ နယ်မြေအတွင်း ကယ်ဆယ်ရေးလုပ်ငန်းတွေကိုလည်း ဆောင်ရွက်နေပါတယ်။