ယူကရိန်းနိုင်ငံဟာ ရုရှားက ချုပ်နှောင်ထားတဲ့ ယူကရိန်းစစ်သုံ့ပန်း ၄၄ ဦးကို ပြန်ရခဲ့ပြီလို့ ယူကရိန်းသမ္မတရဲ့ အကြီးတန်း အကြံပေးတဦးက ဧပြီ ၂၆ ရက်မှာ ပြောပါတယ်။

ရုရှားနိုင်ငံကနေ ပြန်လွတ်မြောက်လာတဲ့ ယူကရိန်းစစ်သုံ့ပန်းတွေကို ပြထားတဲ့ ဗွီဒီယိုဖိုင်ကို ယူကရိန်းနိုင်ငံပိုင် လုံခြုံရေးဌာနက လူမှုကွန်ရက်မှာ လွှင့်တင်ခဲ့ပါတယ်။

စစ်သား ၄၂ ဦးနဲ့ အရပ်သား ၂ ဦး ပြန်လွတ်လာပြီး သူတို့ထဲက တချို့မှာ နှိပ်စက်ခံထားရတဲ့ ဒဏ်ရာတွေ ရှိနေတယ်လို့ ယူကရိန်းသမ္မတရုံး အကြီးအကဲ အန်ဒရေယာမက်ခ်က တယ်လီဂရမ်ပေါ်မှာ ရေးသားခဲ့ပါတယ်။

ယူကရိန်းနိုင်ငံကို ရုရှားက စပြီးကျူးကျော်ဝင်ရောက်ချိန်ကနေ အခု ၁၅ လမြောက်အတွင်း နှစ်ဦးနှစ်ဖက် ပုံမှန်အကျဉ်းသားလဲလှယ်တာတွေ လုပ်ခဲ့ပါတယ်။