ABŞ Helsinki Komissiyası Azərbaycan hakimiyyətinin müxalifətə, aktivistlərə və jurnalistlərə qarşı təqib və təzyiqləri artırmasıyla əlaqədar bəyanat verib (bəyanatı Komissiyasının Nümayəndələr Palatasından olan sədri Alsi L.Hastinqs və həmsədri, senator Rocer Viker imzalayıb). Bəyanatda AXCP-yə qarşı son hücumlarla xüsusi diqqət ayrılıb. Sənəddə deyilir:
“Pandemiya dövründə sağlamlıqla bağlı tədbirlər siyasi motivli repressiyalara haqq qazandıra bilməz. Azərbaycan hökuməti cərimələr, həbslər, təqiblər, işgəncələr vasitəsilə öz xalqının söz, fikir və ifadə azadlığını məhdudlaşdırmaqda davam etməsi barədə məlumatlardan dərin narahatlıq keçiririk. Hakimiyyət bu qlobal böhrandan Azərbaycan Xalq Cəbhəsi Partiyasının (AXCP) üzvləri və başqa fəalların, reportyorların ifadə azadlığını məhdudlaşdırmaq məqsədilə sui-istifadəyə son qoymalıdır.
Son həftələrdə Azərbaycan hakimiyyəti ölkənin əsas müxalifət partiyası olan Azərbaycan Xalq Cəbhəsi Partiyasına (AXCP) və müxalif “Azadlıq” qəzetinə bağlı şəxsləri həbs edib, istintaqa cəlb edərək dindirib, cərimələyib, işgəncələrə məruz qoyub.
Koronavirusun qlobal miqyasda yayılmasından sonra Azərbaycan hakimiyyəti AXCP sədri Əli Kərimlinin telefon rabitəsi və internetə çatımlılıq imkanlarını mütəmadi məhdudlaşdırır, onu ətraf aləmdən təcrid edir, onun mediaya müsahibəsinə imkan verilmir. Ötən həftə müxaliflərdən ibraət koalisiya hakimiyyəti AXCP-nin həbsdə olan üzvü Niyaməddin Əhmədova işgəncə verməkdə ittiham etdi. AXCP-nin digər üzvləri və yazarlar, o cümlədən Aqil Hümbətov, Faiq Əmirli, Səadət Cahangir hakimiyyətin koronavirus pandemiyasıyla bağlı addımlarını tənqid edəndən az sonra karantin rejimini pozmaq ittihamıyla saxlanılıb”.
