မန္တလေးမြို့ရှိ မြို့နယ်လျှပ်စစ်ဌာနရုံးတချို့မှာ ဇူလိုင် ၁၀ ရက်နေ့ နေ့လယ်ပိုင်းက လက်လုပ်ဗုံးနဲ့ ပစ်ခံရလို့ ပေါက်ကွဲမှုတွေဖြစ်ပွားခဲ့ပါတယ်။

၅၉ လမ်း ၊ ၁၁၁ လမ်းနဲ့ ၁၁၂ လမ်းကြားက ချမ်းမြသာစည်မြို့နယ် လျှပ်စစ်ရုံး၊ လေးစုရပ် ကွက်၊ အလယ်ပန်းတိမ်ရပ်ရှိ အမရပူရမြို့နယ် လျှပ်စစ်ရုံးတို့မှာ ပေါက်ကွဲမှုဖြစ်ခဲ့တာပါ။

လက်လုပ်ဗုံးနဲ့ ပစ်ခံရပြီး ပေါက်ကွဲမှုကြောင့် ထိခိုက်ပျက်စီးဆုံးရှုံးမှု အနည်းငယ်စီရှိခဲ့ပေမယ့် လူထိခိုက်ဒဏ်ရာရတာမရှိဘူးလို့ သိရပါတယ်။

ရန်ကုန်မြို့မှာလည်း မနေ့က အနည်းဆုံး မြို့နယ် ၃ ခုရှိ လျှပ်စစ်မီတာခဆောင်တဲ့ ရုံးတွေမှာ ပေါက်ကွဲမှုတွေ ဖြစ်ပွားခဲ့ပါတယ်။ 

အများပြည်သူတွေအနေနဲ့ အာဏာသိမ်းစစ်ကောင်စီကို အခွန်မဆောင်ချင်တဲ့အတွက် လျှပ်စစ်မီတာခ မဆောင်ရေး လှုပ်ရှားမှုတွေ လုပ်နေကြတာတွေ ရှိပါတယ်။