ယူကရိန်းမြို့တော် ကိယက်ဗ် အနောက်ဘက် မိုတက်ဇန်ကျေးရွာ အကြီးအကဲအမျိုးသမီး၊ သူ့ခင်ပွန်းနဲ့ သားတို့ကို ရုရှားတို့က သတ်ပြီး အလောင်းတွေကို မြေမြှုပ်ကာ သဲနဲ့ဖုန်းထားခဲ့လို့ ယူကရိန်းပြည်ထဲရေးဝန်ကြီးဌာနက ဧပြီ ၄ ရက်မှာ ပြောပါတယ်။ 

အသတ်ခံရတဲ့ ကျေးရွာသူကြီး အမျိုးသမီးဟာ  အိုလ်ဟာ ဆူခန်ကိုဖြစ်ပြီး ခင်ပွန်းက အိုင်ဟော် ဆူခန်ကိုနဲ့ သားက အိုလက်ဆန်ဒါ ဖြစ်ပါတယ်။

ပြည်ထဲရေးအကြံပေး အန်တွန် ဟီရာရှန်ကိုက “ရုရှားတပ်တွေ ဒီနေရာကို ခဏသိမ်းပိုက်ခဲ့တာပါ၊ သူတို့က ရွာသူကြီးနဲ့ ရွာသားတွေကို ယူကရိန်းစစ်တပ်နဲ့ ပူးပေါင်းပြီး သူတို့ရှိနေတဲ့ နေရာတွေကို သတင်းပေးတယ်လို့ သံသရှိတယ်။ မိသားစုလိုက် နှိပ်စက်ပြီး သတ်ဖြတ်ခဲ့တာ” လို့ ပြောပါတယ်။

ပြီးခဲ့တဲ့အပတ်က ယူကရိန်းတပ်တွေ တိုက်ခိုက်မှုကြောင့် ရုရှားတပ်တွေ ကိယက်ဗ်မြို့ ဒေသဝန်းကျင်ကနေ မဖြစ်မနေ ဆုတ်ခွာထွက်ပြေးတဲ့အခါမှာ အရပ်သား အများအပြားကို သတ်ဖြတ်ခဲ့တာပါ။

ရုရှားတို့ သတ်ထားတဲ့ အလောင်းတွေ၊ ဖျက်ဆီးထားတဲ့အိမ်တွေနဲ့ မီးရှို့ထားတဲ့ကားတွေကို ပြင်ပသတင်းသမားတွေ သွားရောက် မှတ်တမ်းယူခဲ့တာပါ။   အနီးအနားမှာ တခြားရွာသားတွေ သတ်ဖြတ်ခံထားရတာကိုလည်း သတင်းသမားတွေ သတင်းယူခဲ့ပါတယ်။