မြောက်ကိုရီးယား အစိုးရရဲ့ နျူကလီးယားနဲ့ ဒုံးကျည်ဆိုင်ရာ ခြိမ်းခြောက်မှုတွေ တိုးလာတဲ့အပေါ် အခိုင်မာဆုံး ဖြစ်နိုင်ခြေနဲ့ ပူးတွဲဟန့်တားရေး ထိန်းသိမ်းဖို့ တောင်ကိုရီးယားနဲ့ အမေရိကန် အစိုးရတို့ သဘောတူခဲ့ကြတယ်လို့ မြောက်ကိုရီးယားနိုင်ငံဆိုင်ရာ အမေရိကန်အထူးကိုယ်စားလှယ် ဆောင်ကင်မ်က ဧပြီ ၁၈ ရက်မှာ ပြောလိုက်ပါတယ်။

တောင်ကိုရီးယားနိုင်ငံ ဆိုးလ်မြို့တော်မှာ တောင်ကိုရီးယား အရာရှိတွေနဲ့ ဆွေးနွေးပွဲအတွင်း ခုလို ပြောလိုက်တာပါ။

ကင်မ်နဲ့ သူ့လက်ထောက် ဂျန်ပတ်ခ်တို့ဟာ ၅ ရက်ကြာ အလည်အပတ် ခရီးစဉ်အတွင်း တောင်ကိုရီးယား နျူကလီးယား သံတမန် နိုကယူးဒပ်ခ်နဲ့လည်း တွေ့ဆုံခဲ့ပါတယ်။

ဘယ်လိုသတ်မှတ်ချက်မှ မပါဘဲ မြောက်ကိုရီးယားနဲ့ စေ့စပ်ရေး လိုလားကြောင်းလည်း ပြသခဲ့ပါတယ်။

အမေရိကန် အထူးကိုယ်စားလှယ်ရဲ့ ခရီးစဉ်ဟာ အမေရိကန်နဲ့ တောင်ကိုရီးယား စစ်တပ်တွေ နှစ်စဉ် လေ့ကျင့်နေကျဖြစ်တဲ့ ၉ ရက်ကြာ ပူးတွဲစစ်ရေးလေ့ကျင့်မှု အစပိုင်းနဲ့ တိုက်ဆိုင်နေတာပါ။

ကင်မ်ဟာ မေလမှာ ကျမ်းကျိန်မယ့် ရွေးကောက်ခံသမ္မတ ယွန်းဆက်ယိုးအတွက် အသွင်ကူးပြောင်းရေးအဖွဲ့နဲ့လည်း တွေ့ဆုံဖို့ မျှော်လင့်ထားပါတယ်။