ရုရှားရဲ့တာဝေးပစ်ဒုံးကျည်တွေက ယူကရိန်းစစ်တပ်ရဲ့ ကွပ်ကဲရေးဌာနကို ဖျက်ဆီးခဲ့ပြီး စစ်ဗိုလ်ချုပ်တွေနဲ့ အရာရှိ ၅၀ ကျော် သေဆုံးခဲ့တယ်လို့ ရုရှားနိုင်ငံက ဇွန် ၁၉ ရက်မှာ ပြောခဲ့ပါတယ်။

ဆေဗေရို ဒန်ညက်စ်မြို့ရဲ့အခြေအနေက  ခက်ခဲပေမယ့် စီမံခန့်ခွဲနိုင်သေးတယ်လို့ ယူကရိန်းဘက် က ပြောခဲ့ပါတယ်။ 

ရုရှားကာကွယ်ရေးဝန်ကြီးဌာန ပြောခွင့်ရ အစ်ဂေါကိုနာရှန်ကို့ဗ်က "ရုရှားတပ်ဖွဲ့တွေဟာ ယူကရိန်းစစ်ဘက်ဆိုင်ရာအဆောက်အအုံတွေကို ဆက်ပြီး တိုက်ခိုက်ခဲ့ တယ်။ မွန်းလွဲ ၁၂ နာရီ ၃၀ မိနစ်မှာ ဒနက်ပရို ပက်ထရို့ဗ် ဒေသ၊ ရှီရိုကာယာ ဒါချာရွာနားက ယူကရိန်းတပ်ဖွဲ့ဝင်တွေရဲ့ ကွပ်ကဲရေးစခန်းကို အတိအကျ ချိန်ရွယ် ပစ်ခတ်နိုင်တဲ့ Kalibr တာဝေးပစ်ဒုံးကျည်တွေနဲ့  ပစ်လွှတ်ခဲ့တယ်။ အလက်ဇန်းဒရီးယား စစ်ဆင်ရေးဗျူဟာအဖွဲ့ရဲ့ တပ်မှူးတွေ လုပ်ငန်းခွင်အစည်းအဝေး  ကျင်းပနေချိန် ဖြစ်လို့ ယူကရိန်းတပ်မတော် (AFU) က ဗိုလ်ချုပ်တွေနဲ့ အရာရှိ အယောက် ၅၀ ကျော်ကို ဖယ်ရှားနိုင်ခဲ့တယ်”လို့ ဇွန် ၁၉ ရက်မှာ ထုတ်ပြန်တဲ့ ရုပ်သံထဲမှာ ပြောပါတယ်။

ဆေဗေရိုဒန်ညက်စ်မြို့အတွင်း အာဇော့ ဓာတုစက်ရုံထဲမှာ ပိတ်မိနေတဲ့ ယူကရိန်းတပ်တွေဟာ ခုခံနေဆဲ ဖြစ်ပေမယ့် ညှိနှိုင်းဖို့ လိုလားကြောင်းပြခဲ့တယ်လို့ ရိုက်တာသတင်းဌာနက ဖော်ပြပါတယ်။