အမေရိကန်နဲ့ တခြားနိုင်ငံတွေက ရေနံထုတ်လုပ်မှု လျှော့ချဖြတ်တောက်တာကို ဆန့်ကျင်နေပေမဲ့ ကိုဗစ်-၁၉ ကူးစက်ရောဂါနောက်ပိုင်း ရေနံထုတ်လုပ်မှုကို  လျှော့ချဖို့ ရေနံထုတ်လုပ်ရောင်းချသူများအဖွဲ့ (OPEC+) က သဘောတူလိုက်လို့ ရေနံစျေးနှုန်းတွေ မြင့်တက်ခဲ့ပါတယ်။

OPEC+ က ဖြတ်တောက်ထားတဲ့ တရက်ချင်း ရေနံထုတ်လုပ်မှုဟာ လွန်ခဲ့တဲ့သုံးလက ဒေါ်လာ ၁၂၀ ကနေ ဒေါ်လာ ၉၀ လောက်အထိ ကျဆင်းသွားခဲ့တဲ့ ရေနံစျေးနှုန်းတွေ ပြန်ကောင်းလာဖို့ တွန်းအားပေးနိုင်ပါတယ်။

ကမ္ဘာ့စီးပွားရေးကျဆင်းမှု၊ အမေရိကန်အတိုးနှုန်း မြင့်တက်မှုနဲ့ ဒေါ်လာတန်ဖိုး ပိုမိုအားကောင်းလာမှာတွေကို စိုးရိမ်နေကြပါတယ်။

City Index မှ အကြီးတန်း ဘဏ္ဍာရေးစျေးကွက် လေ့လာဆန်းစစ်သူ ဖီအိုနာ စင်ကော့တာကတော့ ရေနံထုတ်လုပ်မှုလျှော့ချဖြတ်တောက်မှုကို မျှော်မှန်းထားတဲ့အတွက် ခုသီတင်းပတ်မှာ ရေနံစျေး မြင့်တက်လာမယ်လို့ ခန့်မှန်းပါတယ်။

“အဖွဲ့ဝင်တချို့က သူတို့ရဲ့ ထွက်ကုန်ခွဲတမ်းကို မပြည့်မီလို့ ကြီးမားတဲ့ ဖြတ်တောက်မှုရဲ့ အမှန်တကယ် အကျိုးသက်ရောက်မှုက နည်းလိမ့်မယ်” လို့လည်း စင်ကော့တာက ပြောပါတယ်။

ရေနံထုတ်တဲ့နိုင်ငံ အများအပြားက သူတို့ခွဲတမ်းထက် ပိုနည်းပြီး ရေနံတွေထုတ်ယူခဲ့တာကြောင့် ဩဂုတ်လမှာ OPEC+ ဟာ သူ့ရဲ့ထုတ်လုပ်မှု ရည်မှန်းချက် တရက် ရေနံစိမ်းစည်ပေါင်း ၃ ဒသမ ၅၈ သန်း ထုတ်လုပ်ရေးရည်မှန်းချက်  လွဲချော်ခဲ့ပါတယ်။